Газизов келганидан кейин “Спартак”нинг илк трансфери ўзбекистонлик футболчи бўлади, томонлар келишувга эришган

Манбага кўра, Шамил Газизов “Спартак”нинг янги бош директорига айланганидан кейин, клубнинг асосий трансфер мақсади “Уфа” футболчиси Остон Ўрунов бўлади. Клублар аллақачон келишувга эришган. Ҳозирда трансфер нархи борасида музокаралар кетмоқда.

Ўрунов бошқирдистонликлар жамоаси сафига 2020 йилнинг февралида “Локомотив” (Тошкент)дан келиб қўшилган эди. Газизов вақтидаги “Уфа” ўзбекистонлик ўйинчини 200 минг еврога сотиб олганди. У клуб либосида 10 та баҳсда майдонга тушди ва кўплаб экспертлар томонидан ярим ҳимоячининг дрибблинг ҳаракатлари юқори баҳоланди.

Transfermarkt эса Остоннинг нархини 900 минг евро қилиб белгилаган.