"Menga Ispaniya hech narsadan qo'rqmay harakat qilayotgani, ularning vingyerlari judayam yuqoriga chiqayotgani yoqyapti.
Ular Fransiyadan ancha kuchliroq edi. Ular barcha 6ta bahsda penalti yordamisiz g'alaba qozonishdi.
Jamoada yaxshi futbolchilar bor. Pedri, Dani Olmo. Ikkala vingyer ham juda kuchli. Alvaro Morata jamoa uchun o'zini qurbon qilyapti. Uning harakatlanishi yoqyapti.
Rodri - kamida so'nggi ikki yilning eng yaxshi tayanch yarim himoyachisi. U turnirning eng yaxshi futbolchisiga aylansa kyerak... Agar 16 yoshli Yamal bu sovrinni ilib ketmasa.
Lamin meni aqldan ozdiryapti. Uning yoshida bunday ishlarni bajarish hayratlanarli. Ueyn Runi qanday paydo bo'lgani esimda. U o'zgacha bo'lgan, ammo Yamaldek emas.
Pele JCH finalida 2ta gol urgan, ammo u 17 yoki 18 yoshda edi. Xatto Lionel Messi xalqaro o'yinlarda o'zini bunday ko'rsatmagandi.
Biz ko'rib turgan narsalar - judayam hayratlanarli. Yamal qilayotgan ishlarni aqlimga sig'dira olmayapman" - deydi Linekyer.
