Mazkur mintaqaning saralash bellashuvlari Eronning Tabriz shahrida bo'lib o'tadi. Bahodir Ahmedov bosh murabbiyligidagi terma jamoa “A” guruhidan joy olgan bo'lib, OCH yo'llanmasi uchun Qirg'iziston, Turkmaniston va Nepalga qarshi bahs yuritadi. “B” guruhida mezbon Eron termasi Afg'oniston va Tojikiston bilan kuch sinashadi.
Guruhlarda 1–2 o'rinlarni egallagan jamoalar Osiyo chempionati yo'llanmasiga ega bo'ladi. Saralash o'yinlari 15–17 oktyabr kunlari o'tkaziladi. Quyida O'zbekiston termasi o'rin olgan “A” guruhi taqvimi bilan tanishing.
Futzal bo'yicha OCH saralashi
“A” guruhi. 15–17 oktyabr
Tabriz shahri, Eron
15 oktyabr, yakshanba
15:30 O'ZBEKISTON – Nepal
18:00 Qirg'iziston – Turkmaniston
16 oktyabr, dushanba
15:30 Nepal – Qirg'iziston
18:00 Turkmaniston – O'ZBEKISTON
17 oktyabr, seshanba
15:30 O'ZBEKISTON – Qirg'iziston
18:00 Turkmaniston – Nepal
Futzal bo'yicha O'zbekiston terma jamoasi shu kunlarda Toshkentda yig'in o'tkazmoqda va bo'lajak bellashuvlarga tayyorgarlik ko'rmoqda. Avvalroq Osiyo chempionati saralash bosqichida ishtirok etadigan futzalchilar ro'yxati e'lon qilingandi.
Ma'lumot uchun, futzal bo'yicha Osiyo chempionati 2018 yilning 6–18 fevral kunlari Xitoy Taypeyi mamlakatida bo'lib o'tadi. Qita birinchiligida jami 16 jamoa chempionlik uchun kurash olib boradi.
