FIFA.com: Садоқат тақдирланди

Унинг Ўзбекистонга алоқадор қисмларини сизга етказишга қарор қилдик. 

Эсда қоларли ходисалар
Садоқат тақдирланди
Ўзбекистоннинг Туркиядаги ҳар бир ўйинида - хоҳ у ғалаба бўлсин, хоҳ мағлубият, хоҳ дуранг, бир гуруҳ шиддатли барабан садолари билан қўллаб қувватловчи муҳлислар қувноқлик ва ранг-баранглик муҳитини юзага келтиришди. Ўтган олти кун давомида бу муҳлисларнинг ўз жамоасини қўллаб қувватлашга интилиши улкан садоқатни талаб этди. Улар Бурса, Анталия ҳамда Газиантеп шаҳарларига етиб бориш учун 2 минг километрга яқин масофани босиб ўтишди. Футболда бундай қурбонликлар доим ҳам тақдирланавермайди. Аммо ўзбекистонлик футболчилар, ўз муҳлисларини меҳмонхоналарига ўзларида йўқ хурсанд ҳолда қайтиб боришларини ва энди чорак финал учун Ризо шаҳрига навбатдаги саёҳатга тайёрланишларини таъминлашди. 

Кун статистикаси
Ўзбекистон Грецияни 3:1 ҳисобида мағлуб этган ўйинда 3 та пенальти аниқ амалга оширилди. Бундан аввал ФИФА нинг ёшлар ўртасидаги Жаҳон чемпионатлари тарихида бундай кўрсаткич икки марта қайд этилган. 2011 йилда Аргентина 2:1 Миср, Япония 2:2 Чехия ўйинларида томонлар уч маротаба пенальтидан гол киритишган. Яна бир ўхшаш жиҳати, уччала ўйинларнинг нимчорак финалда бўлиб ўтганидир.


Қобилжон Бабаев таржимаси