"Koutino "Liverpul"da ajoyib o'ynagandi. Jamoadan ketganidan keyin esa uning oldingi holatini ko'rmadik. "Barselona"da unga oson bo'lmadi, bor kuchini u moslashishga sarfladi. "Bavariya"dagi o'yinlari esa odamni ajablantirmadi.
Ajoyib futbolchi, yuqori iqtidor. Uni qutqarish kerak. APLga qaytarish uni qutqarish bilan teng bo'ladi. Biroq u "Manchester Yunayted"ga o'tmasligi kerak. Chunki hozir jamoada Brunu Fernandesh bor.
U "Tottenxem"ni kuchaytira oladi. 100 foiz! U ham Son, Alli kabi ajoyib futbolchi. "Arsenal"? Ularda O'zil bor. Uning o'yinlari menga yoqadi. Faqatgina undan to'g'ri foydalanish kerak.
Har bir futbolchi o'zining chegarasi doirasida o'yin ko'rsata oladi. U "Manchester Siti" yoki "Liverpul" darajasida emas.
U MYUga o'tadimi? Yo'q, "Liverpul" futbolchisi endi MYUga o'tmaydi. Klublar o'rtasida katta raqobat bor", - dedi Ferdinand.
