Jamoalar shu kunga qadar Superligada 44 marta to'qnashgan. Tarixiga nazar tashlasak, ustunlik mutlaqo "Nasaf" tomonida. "Ajdarlar" 23 uchrashuvda g'alaba qozongan, "Dinamo" 8 bor zafar quchgan, 13 bellashuv durang bilan yakunlangan.
Samarqandda o'tgan 22 uchrashuvdan 8 tasida "Nasaf" g'alaba qozongan, 5 o'yinda esa mezbonlar - "Dinamo" 3 ochkoni o'z hisobiga yozib qo'ygan. Qolgan 9 bellashuvda jamoalar bir ochkodan bo'lishib olgan.
Qizig'i shundaki, "Dinamo" raqibini o'z uyida oxirgi marta 2008 yilda mag'lub etgan - o'shandagi 3:0 hisobidagi g'alaba qayd etilgan. Bugungi uchrashuv 20:00 Samarqanddagi "Dinamo" stadionida bo'lib o'tadi.
