UZ

Сўнгги янгиликлар

03:09Бундеслига. “Боруссия” Берлинда дурангга эришди  1 02:16Жан: “Шартномам ниҳоясига қадар бор кучим билан ҳаракат қиламан”  0 02:05“Барселона” 7-рақамни Гризманн учун сақлаб турибди  4 00:54Пеллегрини Маскеранони келаётганини тасдиқлади  2 00:30Спортчилар ижтимоий тармоқларда  2 00:14Ван Перси яна қадрдон жамоасида тўп тепади  5 23:55Спалетти “Интер”га Витцелни таклиф қилмоқчи  4 23:50Olamsport: Истомин Дубайдаги турнирда иштирок этади, Гандболчиларимиз Эронга ҳам ютқазишди ва бошқа хабарлар  1 22:43“Насаф” ўз сафига сербиялик ҳимоячини қўшиб олди  26 22:22Мақсуд Каримов “Насаф” билан шартнома тузди ва жамоа йиғинида иштирок этмоқда  13 21:572017 йил футболи рақамларда  8 21:28АПЛда стадионларга мухлислар ташрифи қай даражада?  10 20:59Моуриньо Роналдунинг "Манчестер Юнайтед"га ўтишига розилик берди  25 20:38Япония U-23 - Ўзбекистон U-23 - 0:4. Учрашувдан кейинги 10та факт  62 20:32Эмери: "Кавани - тўпурар, Неймар - етакчи"  9

Евгений Гоголь: «Локомотив» бу йил ўтган йилгидан яхшироқ ўйнаши керак» Янгиликлар

Евгений Гоголь: «Локомотив» бу йил ўтган йилгидан яхшироқ ўйнаши керак»

Бугун «Локомотив» клуби аъзолари БААда ўтказилган икки ҳафталик назорат-синов йиғинини якунлаб, Тошкентга қайтиб келишади.
Абу-Дабида ташкил этилган йиғинга кеча Россия премьер-лигаси вакили «Урал»га қарши кечган назорат-синов учрашуви якун ясаб берди. Мазкур учрашувдан сўнг биз «Локомотив»нинг марказий ҳимоячиси Евгений Гоголь билан суҳбат уюштирдик. Қуйида ушбу суҳбатни эътиборингизга ҳавола қиламиз.

- Женя, аҳволлар яхшими? БААдаги йиғин қандай кечмоқда? Машғулотларда асосан нимага эътибор қаратиляпти?

- Йиғин яхши ўтмоқда. Машғулотлар жараёнида асосан жисмоний тайёргарлигимизни оширишга эътибор қаратмоқдамиз. Очиғи, машғулотлардаги юкламалар натижасида оёқларимизда толиқиш сезилмоқда. Бу фойдамизга ишлаши шубҳасиз. Шунингдек, машғулотларда югуришга ҳам кўп эътибор қаратилмоқда. Асосий мақсад – жисмоний ҳолатимизни яхшилаш. Ўйлайманки, БААда ўтказилган ўқув-машғулотлар йиғинида янги мавсум учун етарлича куч тўплашга муваффақ бўлдик.

- Машғулотлар қандай режимда ўтказилмоқда? Кунига неча маҳалдан машғулот олиб боряпсизлар?
- Асосий гуруҳдагилар кунига икки маҳалдан шуғулланмоқдамиз. Баъзи футболчилар учун уч маҳал машғулотлар жорий этилган. Бу футболчилар жамоамизнинг декабрь ойидаги ўқув-машғулотлар йиғинини ўтказиб юборишган. Улар эрталаб бадантарбия қилишади, кейин югуришади ва тренажёрда шуғулланишади. Мен ҳам жамоамизнинг декабрь ойидаги машғулотларини ўтказиб юборгандим. Шу сабабли дастлабки 8 кун эрталабдан туришимга тўғри келди. Охирги кунларда эса умумий гуруҳ билан бир хил режимда шуғулланяпман.

- Ҳозир амирликларда об-ҳаво қандай? Билишимча, куннинг биринчи ярмида ҳарорат 20 даражадан иссиқ бўлаётган экан, тўғрими?
- Йўқ. Об-ҳаво у қадар иссиқ эмас, нисбатан салқин. Фақат бугун ҳаво одатдагидан иссиқроқ бўлди. Умуман олганда Абу-Дабида ҳозир футбол ўйнайдиган ҳаво ҳукм сурмоқда. Бу эса чарчоқни тез енгишга ёрдам беради.

- Сўнгги икки рақибимиз – «Шахтёр» ва «Урал» жамоалари қайси жиҳатларда биздан устун экан. Умуман, сўнгги икки ўйин ҳақидаги фикрларингиз?
- «Шахтёр» маҳорат бобида биздан устун эканлиги барчага маълум. Уларни таркибида тўп сурадиган легионерлар фалон пул туришади, боз устига кўпчилиги бразилиялик футболчилар. Қолаверса, жамоа мунтазам УЕФА чемпионлар лигасида тўп суриб келади. Тўп билан ишлаш ва тактика борасида улар биздан анча ўзиб кетишган. Аммо, жисмоний тайёргарлик, физик кўрсаткичлар ва ўйинга ўзини бахшида этиш бобида биз бир сафдамиз, аниқроғи ушбу омиллар бўйича Украина чемпионига ютқазмадик ҳисоб. Ўйин давомида бизда ҳам имкониятлар бўлди. Агар ўйин охирида дарвозамиз томон пенальти бўлмаганида ёки Рахимов ҳамда Шевченколар бирга-бир вазиятдан унумли фойдаланишганида эҳтимол ғалаба қозонишимиз ҳам мумкин эди. «Урал»га тўхталадиган бўлсак, Россия клубини маҳорат ҳамда футболчилар таркиби борасида биздан устун демаган бўлардим. Футболчилар бўйича олиб қарайдиган бўлсак, баъзи жиҳатларда рақибимиздан қизиқарлироқдек кўриндик. Фақат, уларда футболчилар танлови борасида имконият кўпроқ эди. Адашмасам йиғинда уларнинг сафида 35тача футболчи иштирок этмоқда. Ўзаро ўйинимиз давомида уларда 25тача футболчининг майдонга тушгани ҳам фикримни тасдиқлайди. Лекин, учрашув давомида уларга асло ютқазмадик. Голлар иккинчи бўлимда киритилди. Дастлаб Шевченко ҳисобни очган бўлса, кейин Шадрин устунлигимизни мустаҳкамлади.

- Сўнгги савол: «Локомотив»га келиб қўшилган футболчилар жамоани қанчалик кўчайтиришди? Бу йилги «Локомотив»ни ўтган йилги жамоадан кучли бўлади, дейиш мумкинми?
- Шак-шубҳасиз. Бугунги «Локомотив» ўтган йилгидан анча кўчайган. Биз бу йил ўтган йилгидан анча яхши иштирок этишимиз керак. «Бунёдкор»дан келган тўрт нафар янги футболчи, икки нафар легионер жамоамизни яхшигина кўчайтиришади. Ўтказилган ўйинларда кўрдикки, янги ўйинчилар ўз вазифаларини яхши, ақл билан бажаришади. «Қайрат», Хитой клуби, ҳаттоки «Шахтёр» билан ўйинларда улар ўзларининг нимага қодирлигини кўрсатишди. Тўғри, донецкликлар биздан анча кучли, улар майдонда ақлли ўйин кўрсатишади, маҳоарти ҳам юқори. Бироқ, агар Украина чемпионига қарши ўйин расмий мақомида бўлганида, ҳисоб қандай бўлишини айтиш қийин эди. Бу билан «Шахтёр»ни мағлуб этардик, демоқчи эмасман, лекин уларга осон бўлмасди. Хуллас, бу йил жамоамиз ўтган йилгидан яхшироқ натижа қайд этиши керак, деб ўйлайман.
Рейтинг:    

Фикрлар

championat.asia
< сўнгги янгиликларни кўриш

Энг яхшилар

Ярим финал муборак! Ярим финал муборак!
Хитойда давом этаётган U-23 Осиё чемпионати доирасидаги Япония U-23 - ...  574
Қозоғистонда ҳалок бўлган ҳамюртларимиз яқинларига таъзия билдирамиз Қозоғистонда ҳалок бўлган ҳамюртларимиз яқинларига таъзия билдирамиз
Бугун, 18 январь куни Қозоғистоннинг Ақтобе вилояти Иргиз туманида...  168
Ўзбекистон терма жамоасига ким келади? Кейруш ёки ван Марвейк? Ўзбекистон терма жамоасига ким келади? Кейруш ёки ван Марвейк?
Айни кунларда Ўзбекистон миллий терма жамоасига ким бош мураббий...  131
Умид Аҳмаджонов: "25 январда ЎФФнинг навбатдан ташқари конференациясини ўтказамиз" Умид Аҳмаджонов: "25 январда ЎФФнинг навбатдан ташқари конференациясини ўтказамиз"
Ўзбекистон Миллий олимпия қўмитаси президенти этиб сайланган Умид...  127
������.�������

CA ни Facebook да ўқиш
учун "Yoqdi"ни босинг