UZ

Сўнгги янгиликлар

14:00Далот: "МЮ АПЛ чемпионлигини қўлга кирита олади"  0 13:33Жалолиддин Машарипов қачон қайтади? "Истиқлол" шифокори бу саволга жавоб берди  1 13:12Гвардиола: "Мени ишдан бўшатишлари мумкинлигига ишонмайман"  3 12:35Қирғиз Республикаси терма жамоаси асосий ҳужумчиси бир ойга сафдан чиқди  6 12:14Карло Анчелотти: "Гвардиолага қарши ўйинларга тайёрланиш - даҳшат"  21 12:03Феруза Турдибоева: "Қолган икки учрашувда ҳам 6 очкони ният қилганмиз"  0 10:42Суперлига стадионларини мавсумга тайёрлаш бошланди  8 10:10"Металлург" қишда трансферга қўйган футболчи Черногория клубига ўтди  2 09:44ЕЧЛ плей-офф. "Манчестер Сити" бугун "Реал"га қарши ва бошқа учрашувлар   54 09:09РПЛ қишки кубоги. ЦСКА "Краснодар"га мағлуб бўлди. Файзуллаев захирадан майдонга тушди  8 08:38Расман: Пшемислав Франковски - "Галатасарой" футболчиси  4 08:05"Қизилқум" дарвозабони собиқ жамоасига қайтди  0 07:30"Бунёдкор" дарвозабони легионерга айланди  1 03:35А Серия. "Интер" ғалаба қозонди ва жадвал етакчисидан 1 очкога ортда қолмоқда  4 01:29"Манчестер Сити"нинг "Реал"га қарши баҳс олдидан ўтказган машғулотидан суратлар  27

Эшитдик-да! “Нефтчи” ҳамда “Навбаҳор” клубларида қандай қарздорлик мавжуд? Янгиликлар

Эшитдик-да! “Нефтчи” ҳамда “Навбаҳор” клубларида қандай қарздорлик мавжуд?

Яқиндагина "Нефтчи" ва "Навбаҳор" футбол клубларига легионер футболчиларни рўйхатдан ўтказиш учун узил-кесил тақиқ қўйилди.

Кўплаб футбол мухлислари бу борада ПФЛ манзили томон салбий фикрлар билдирди. Шу асосда Championat.asia нашри суриштирув ўтказишга қарор қилди.

ПФЛ ёрдам беряптими ёки ҳалал?

Маълум бўлишича, ҳар икки клубнинг ПФЛ олдида қарзи мавжуд. Бироқ трансфер тақиқи масаласида бу ҳолат инобатга олинмаган. Яъни, ПФЛ қўмитага бу борада шикоят билан мурожаат қилмаган.

Аксинча, ПФЛ қишки трансфер ойнаси давомида клубларга ёрдам берган. Яъни, уларнинг мақсади жиддий эканидан келиб чиқиб, ЎФА қўмитаси ҳамда Ўзбекистон футболчилари уюшмасига ПФЛ таклиф билан чиққан ҳамда жамоалар учун апрель ойи якунига қадар муҳлат беришни сўраган. Масалага ПФЛ аралашгач, қўмита апрель ойи якунига қадар ҳар икки клубга муддат берди. Бу билан клубга иккита муҳим юришни амалга оширган:

а) ОФК лицензиялашидан муваффақиятли ўтган (зеро мавжуд қарздорлик сабаб улар лицензиядан қуруқ қолиши мумкин эди);
б) қишки трансфер ойнасида янги футболчиларни рўйхатдан ўтказган (унгача эса уларда трансфер тақиқи мавжуд эди).

Бироқ ҳар икки клуб ҳам ПФЛни ноқулай ҳолатда қолдирган ва апрель якунига қадар ҳам қарзларни ёпмаган. Яъни, берилган ваъда ва кафолат ўз ҳолида қолиб кетган.




“Нефтчи” кимлардан қарздор?


Фарғона клуби устидан Фозил Мусаев, Шароф Муҳиддинов, Улуғбек Ҳошимов, Суннатулла Абдуллажонов, Умар Адҳамзода, Асадбек Мўминов, Азизбек Олимов каби футболчилар ўтган йилнинг декабрь ойидаёқ шикоят киритган. Улар аллақачон бошқа жамоалар шарафини ҳимоя қилмоқда. “Нефтчи” эса янги футболчилар билан муносабатга киришган. Бироқ эски қарзлар осилиб қолган.

Шунингдек, “Нефтчи” аёллар жамоасига 4 ойдан буён на маош ва на мукофот пули берилади. Футзал жамоаси эса 6 ойдан буён ойлик олмайди.

Буларнинг ҳаммаси нотўғри молиявий сиёсат оқибати ҳисобланади. “Нефтчи” Суперлигада футболчиларга энг катта маош тўлайдиган клублардан бири ҳисобланади. ПФЛ Суперлига интригаси йўлида клубга ёрдам беришга ҳаракат қилса-да, бундан тўғри хулоса чиқарилаётгани йўқ. Қолаверса, катта маошлар билан ҳам фарғоналиклар керакли натижани қўлга кирита олмаяпти.




“Навбаҳор” кимлардан қарздор?


Наманган клуби устидан Темурхўжа Абдухолиқов, Асадбек Собиржонов, Даврон Ҳошимов, Аброр Исмоилов, Дониёр Абдуманнопов, Игорь Голбан каби футболчилар шикоят киритган. Клуб ҳозиргача уларга берилган ваъдаларни бир неча бор ўз вақтида бажармаган.

Шунингдек, аёллар жамоаси Наманганда 3,5 ойдан буён маошсиз қолган. Футзалчилар эса 4 ойдан буён уйига пул олиб кирмайди. Барча маблағ фақат катта футболчиларга катта ойлик-маош тўлаш учун сарф этилади.

Хулоса


Суриштирувда ПФЛ, ЎФУ, ЎФА мутахассисларидан ташқари, ҳар икки клубнинг собиқ ва амалдаги футболчилари ҳам иштирок этди. Бироқ биз уларнинг кимлигини очиқламоқчи эмасмиз. Аниқлангани шуки, катта футболчилар ҳам молиявий тартибсизликдан умидсизликка тушиб қолган ва бу натижага ҳам таъсир ўтказмоқда.

Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика