Natijada "C" guruhi bahslariga Bahrayn mezbonlik qiladigan bo'ldi. Bu guruhda Iroq, Bahrayn, Eron, Gonkong va Kambodja terma jamoalari kurash olib bormoqda.
Eronlik futbol eksperti Xoushang Nasirzadening aytishicha, OFK siyosat sabab Bahrayn mamlakatini tanlagan. O'z paytida Eron futbol federatsiyasida faoliyat yuritgan Nasirzade bu haqda shunday dedi:
- "Jahon chempionati saralashining qolgan o'yinlarini Eronga bermaslik o'z-o'zidan ro'y bergani yo'q. Bu yerda siyosat muhim rol o'ynadi. Gap shundaki, Bahrayn va boshqa mamlakatlar OFKning moliyaviy ko'makdoshlari hisoblanadi. Shu bois OFK yakuniy qaror qabul qilishda o'z tarafdorlariga yon bosdi".
- "Guruhdagi qolgan 8ta o'yin Bahraynda o'tkaziladi. Buni esa adolatdan emas deb hisoblayman. Ko'rinib turibdiki, bu yerda OFKdagilar siyosiy qarashni birinchi planga qo'yishdi. Biz o'z maydonimizda Gonkong, Bahrayn va Iroqni qabul qilishimiz kerak edi. Endi bo'lsa hamma o'yinlarni Bahraynda o'tkazamiz".
- "Bu o'rinda yana bir muammo chiqyapti, yani Bahrayn hukumati o'yinlarni Eronga translyatsiya qilmasligi ham mumkin. Bu esa o'z navbatida muxlislarimiz noroziligiga sabab bo'ladi. Kelajakda shunday muammolar ko'zga tashlanmasligi uchun FIFA Etika qo'mitasiga yozishga to'g'ri keladi".
