Samarqand jamoasi 16-29 yanvar kunlari Birlashgan Arab Amirliklarida dastlabki o'quv-mashg'ulot yig'ini doirasida 4ta o'rtoqlik uchrashuvi o'tkazib qaytgach, 30-31 yanvar kunlari jamoaga dam berildi, 1 fevraldan esa poytaxtda tayyorgarlikni boshladi.
Vadim Abramov murabbiyligidagi jamoa 1-6 fevral kunlari Toshkentdagi yig'inda "Mashal" (3 fevral) va "Aral" (5 fevral) jamoalariga qarshi nazorat bahsida maydonga tushadi.
6 fevral kuni esa Toshkent – Dubay aviareysi orqali ikkinchi xorij yig'inini o'tkazish uchun Birlashgan Arab Amirliklariga jo'nab ketadi. BAAdagi yig'in va raqiblar haqida yana batafsil ma'lumot beriladi.
