"Roma" hujumchisi Paulo Dibala jarohatidan forig' bo'ldi, deya xabar berdi "Calcio Mercatto".
Xabar qilinishicha, tibbiy tekshiruv jarohat jiddiy emasligini ko'rsatgan. Bugun 30 yoshli argentinalik futbolchi individual dastur bo'yicha mashg'ulot o'tkazdi, chorshanba kuni u umumiy guruhga qaytadi va keyingi dam olish kunlari A Seriyada "Lechche"ga qarshi o'ynay oladi.
Paulo Dibala joriy mavsum "Roma" libosida 28 ta o'yinda harakat qilib, 14 ta gol urdi va 7 ta golga assistentlik qildi.
