Ди Мария: "Голли узатмалар менга қувонч бағишлайди"
06 окт 2022 14:35
Янгиликлар

Ди Мария: "Голли узатмалар менга қувонч бағишлайди"

Анхель ди Мария Чемпионлар Лигасида "Ювентус"нинг "Маккаби" устидан қозонилган ғалабаси (3:1) ҳақида гапирди.

Туринликлар вингери бу учрашувда учта голли узатмани амалга оширди.

"Биз ажойиб иш қилдик. Бугун мен жамоага ғалаба қозонишга ёрдам бердим. Кетма-кет 2 та ўйинда 3 та гол уриб, ғалабага эришдик. Лекин энг муҳими, биз шунга ҳаракат қилдик.
Голли узатмалар менга қувонч бағишлайди. Мен шунчаки ўз ишимни қиламан ва бундан завқланаман. Жамоадошларимга гол уришга ёрдам бериш ва уларни бу билан хурсанд қилишни ёқтираман", – деди ди Мария.

Аввалроқ ди Мария мусобақадаги умумий ассистлари сони бўйича Мессидан ўзиб кетгани ҳақида хабар берган эдик.

Ҳавола :

Манба : uefa.com

Янгиликларни Телеграмда ўқинг!

Рейтинг: +3