Чоршанба куни ЦСКА 21 ёшли Файзуллаевнинг "Истанбулнинг Башакшеҳир" клубига ўтганини эълон қилди. Ўзбекистонлик футболчи "қизил-кўклар" билан биргаликда Россия Кубоги ва Суперкубогини қўлга киритди.
"Аббос биз билан яхши хайрлашди. Мен унга омад тилайман – у жуда яхши йигит ва футболчи. Умид қиламанки, Файзуллаев Туркияда ўзини кўрсатишда давом этади ва Жаҳон чемпионатини яхши ўтказади", – деди сербиялик ўйинчи.
Файзуллаев 2023 йилнинг ёзидан буён ЦСКА сафида ўйнаб келаётганди. У "армиячилар" либосида 72 ўйинда қатнашиб, 8 та гол урди ва 22 та голли узатмани амалга оширди.
