Championat.asia o'tkazilgan bahslar asosida tur laureatlarini aniqladi.

"Surxon" bu tur Jizzaxda yuqori o'rinlar uchun kurashayotgan "So'g'diyona" mehmoni bo'ldi va 1:0 hisobida g'alabaga erishdi. Termizliklar posboni shu kuni o'z mahoratini ko'rsatib, darvozani munosib ravishda qo'riqladi va bir necha bor jamoasini gollardan qutqardi. Shu bois, "Surxon" darvozaboni Azizxon Isoqov xuddi o'tgan turda bo'lgani kabi Championat.asia sayti talqiniga ko'ra, 22-turning eng yaxshi darvozaboni deb topildi.

"Surxon"ning "So'g'diyona"ni safarda mag'lub etishini ko'pchilik kutmagandi. Termiz klubi liga qolish uchun ketma-ket kuchli raqiblardan ochko tortib olishmoqda, bunda jamoa ustozining hissasi katta. Shunday qilib, Championat.asia sayti talqiniga ko'ra, xuddi o'tgan turda bo'lgani kabi Migel Alvares 22-turning eng yaxshi murabbiyi deya etirof etildi.

Bu turda "Qo'qon-1912" yarim himoyachisi Oybek Rustamov "Paxtakor"ga qarshi bahsda uzoq masofadan super gol urdi va tur goliga mualliflik qildi.

22-turda "sherlar" hujumchisi Dragan Cheran "Qo'qon-1912" bilan bahsda to'rtta gol urdi va mavsumdagi ilk pokerni qayd etdi. Aynan Dragan Cheran Championat.asia talqiniga ko'ra 22-turning eng yaxshi futbolchisi deb topildi.

Coca Cola Superligasi. 22-tur laureatlari