Coca Cola Суперлига. 1-турда энг кўп томошабин Наманганда, энг ками Олмалиқда

ПФЛ маълумотига кўра, бу ўйинларни томоша қилиш учун стадионларга жами 47782 нафар мухлис ташриф буюрди.

Бу ҳар бир баҳсга ўртача 6826 томошабин келганини англатади.

Энг кўп мухлис Наманганда ўтган "Навбаҳор" - "Сўғдиёна" учрашувига келди - 17558. Бу борада иккинчи натижа Қаршидаги "Насаф" - "Пахтакор" учрашувига тегишли бўлди - 11812.

Олмалиқдаги АГМК - "Локомотив" баҳсига роппа-роса 1000 томошабин келган. Бу дастлабки турдаги энг паст кўрсаткич бўлди.

Coca Cola Суперлига. 1-турда томошабинлар ташрифи: 
"Навбаҳор" - "Сўғдиёна" - 17558 томошабин
"Насаф" - "Пахтакор" - 11812 томошабин
"Қизилқум" - "Андижон" - 6451 томошабин
"Турон" - "Қўқон-1912" - 4983 томошабин
"Сурхон" - "Металлург" - 4545 томошабин
"Бунёдкор" - "Машъал" - 1403 томошабин
АГМК - "Локомотив" - 1000 томошабин