UZ

Сўнгги янгиликлар

02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  1 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  53 00:02"Атлетико" — "Реал Овьедо". Таркиблар маълум  0 00:01"Тоттенхэм" — "Фулхэм". Таркиблар маълум  0 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  7 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1 21:07Камолиддин Тожиев: "Жамоадаги энг асосий нарса бу ички муҳит ҳисобланади"  2 20:52"Қизилқум" — "Шўртан" учрашувида захира ҳаками ва футболчи ўртасида юзага келган вазият юзасидан изоҳ  4 20:33Шерзод Жўраев: "Бирданига жамоа тузиб бўлмайди, ҳаммасига вақт керак"  3

Чўққидан "Чуқур"га... Янгиликлар

Чўққидан "Чуқур"га...

Одам ўзини унутса, уни бошқалар ёддан чиқаришига кўп вақт кетмайди...

Сарлавҳадан кейин старт ҳам ғалати бўлди. Яна охирига кўп нуқта қўйилган. Мазкур (...) белги турли маъноларни ифодалашини биласиз: гапнинг тугалланмагани, фикр йўналишининг кескин бурилиши, сўзловчининг ҳаяжонланиши ва ҳоказо. Бугун сиз билан айтадиган гаплари битмаган, аммо ҳикоясининг охирига ... қўйилган қаҳрамон ҳақида суҳбатлашамиз.

Ҳозир қанчалик тушкун кайфият бағишламасин, бу ҳикоя рангли ҳарфлар билан бошланган, замонида кўпчиликка умид берган эди. У футбол оламига тўфондек кириб келди. 3-дивизиондан АПЛга ўтганида атиги 19 ёшда бўлиб, дастлабки мавсумнинг ўзидаёқ энг яхшилар қаторини банд қилди. 

Европа чемпионатида Рунининг ёнига Хендерсон ёки Милнер эмас, у қўйилди. Жаҳон чемпионати арафасида трансфермаркт портали 22 ёшли қаҳрамонимизни 100 млн еврога баҳолади (ҳозир ер шарида атиги 3 нафар шундай футболчи бор). 

2019 йилда жамоасини ЕЧЛ финалига етаклар экан, унинг номи "Пари Сен-Жермен", "Реал Мадрид" сингари клублар билан боғланганди. Бугун эса АПЛнинг ўртамиёна жамоаларидан ҳам харидор топилмаяпти.

Янги мавсумни "Эвертон"да бошлаган хавбек гол уришни унутиб қўйганига анча бўлди. Аниқроғи, роппа-роса 1 йилдан бери ҳеч қайси жамоани хафа қилмаяпти. Гол нима? 19 ёшида Англия термасининг ажралмас бўлагига айланган йигитча бугун АПЛда ўйнолмаяпти. 2022 йилда бор-йўғи 367 дақиқа.

Аллақачон пайқаган бўлишингиз керак, сиз "Тоттенхэм"даги ўйинлари орқали таниган Деле Алли ҳақида гапиряпмиз. 2018 йилда 100 миллионга баҳоланган ярим ҳимоячининг нархи 26 ёшида 16 миллионга тушиб қолди. Бундай "чўкиш"дан кейин футболчига топ-лигалардан таклиф топилмади. Ўз навбатида Лэмпард ҳам уни "Эвертон"да кўришни истамаяпти. Шу туфайли Алли олдидаги ягона жиддий чақириқни қабул қилиб, "Бешиктош"га ўтди.

У Балотелли ва Гомез каби Туркияда ўзини қайта кашф қила оладими? Ёки Истанбул Делега ҳам катталик қиладими? Буни ҳозирча билмаймиз. Аммо битта нарса аниқ. АПЛ — шубҳасиз, энг кучли лига. "Водафон Парк" стадиони эса "Чуқур" сериали суратга олинган машҳур маҳалладан 3 км узоқликда жойлашган.

Муаллифнинг телеграмдаги канали → ФА| футбол АНАЛИЗИ

Муаллиф :
Рейтинг: -11   

Фикрлар

championat.asia
< сўнгги янгиликларни кўриш
Яндекс.Метрика