UZ

Сўнгги янгиликлар

17:52"Барселона" Милинкович-Савич учун курашга қўшилди  2 17:50ЖЧ-2018. Швеция - Жанубий Корея (матнли трансляция)  44 17:41Захирадан ўйинга тушишни истамаган футболчи терма жамоадан ҳайдалиши мумкин  7 17:32Россия терма жамоаси Миср билан қандай рангли формада ўйнайди?  9 17:14Швеция - Жанубий Корея ўйинидан фотогалерея LIVE  7 16:37ЖЧ-2018. Швеция ва Жанубий Кореянинг кийиниш хонасидан ФОТОГАЛЕРЕЯ  4 16:31Швеция - Жанубий Корея. Мухлислар галереяси  2 16:25Швеция - Жанубий Корея. Жамоалар стадионга етиб келишди ФОТО  1 16:23Швеция - Жанубий Корея. Ўйинга оид қизиқарли маълумотлар  5 16:05ЖЧ-2018. Швеция - Жанубий Корея. Таркиблар эълон қилинди  14 15:58Путин Россия - Миср учрашувига ташриф буюрадими?  13 15:27Карикатура: Мексика Германияга 3 очкони бермади  17 15:15ЎФА бўлим бошлиғи Испания ФФси томонидан ташкил қилинган мураббийлик курсларида таҳсил олмоқда  6 15:05ЎФА Ижроқўми Ойбек Қиличевни футболга эртароқ қайтаришга қарор қилди  61 14:57Olamsport: Элнур Абдураимовга рақиб топилди, теннисчимиз кучли рақибни мағлуб этди ва бошқа хабарлар  3

Чемпион ва қаҳрамон билан суҳбат: "Эътибор, эътироф ва мукофотлардан талтайиб кетмаслигимиз шарт" Янгиликлар

Чемпион ва қаҳрамон билан суҳбат: "Эътибор, эътироф ва мукофотлардан талтайиб кетмаслигимиз шарт"

Ёшлар ўртасидаги Осиё чемпиони ва мусобақанинг энг яхши футболчиси Одил Ҳамробеков сайтимизга эксклюзив интервью берди.

"Авваламбор барча ўзбек халқини катта тарихий ғалаба билан табриклайман. Бу ютуқ нафақат футболчиларники, балки бутун Ўзбекистонники. Чемпионликка келадиган бўлсак, барча соҳада ҳам муваффақият учун ҳамма бирлашиб ҳаракат қилади. Энг муҳими, биз кўрсатган ўйиндан аввало мухлислар завқ олишди. Шу ўринда биз ҳам майдонда роҳатланиб футбол ўйнадик. Бу катта ютуқни завқи ўзгача бўлди, деб бемалол айта оламан. Бошдан кечирган ҳиссиётларни ҳозир сўз билан таърифлаб бериш жуда мушкул. Хитойдаги Осиё чемпионатидан олдин Таиланддаги мусобақада ҳам ғалаба таъмини оз бўлсада ҳис этгандик. Чунки у ердаги финалда ҳам тақдирлаш маросимлари юксак даражада ташкиллаштирилганди. Ўшанда биз ғалаба таъми аслида қандай бўлишини билиб олгандик. Мусобақа давомида юртдошларимиз, мухлисларимизнинг бизга юбориб турган мактублари кучимизга куч қўшди", - дея таассуротлари билан ўртоқлашди Одил Ҳамробеков.


Чемпионлик сири? Биласизлар, ёшлар терма жамоамиздаги аксарият футболчилар Олий лига жамоаларида асосий таркиб футболчилари ҳисобланишади. Жамоадошларимиз мунтазам равишда ўз клубларида асосий таркибда ўйнаб келишади, халқаро тажриба тўплашган. Айнан шу омиллар ҳам муваффақият қозонишимизга ёрдам берди. Аслини олганда, бу каби ютуқларга эришишни вақти келганди, деб ўйлайман.

Муваффақиятсиз стартни енгиб ўтиш.
Биринчи ўйин ҳар битта мусобақада ҳар хил бошланади. Тўғри, дастлабки баҳсда ўйинимиз чиқмади, майдондаги ҳаракатларимиз қовушмади. Бунга рақиб ҳам сабабчи бўлиши мумкин. Муҳими, ўша мағлубиятдан тўғри хулоса чиқара олдик. Ўшанда футболчилар билан биргаликда ўзимизга-ўзимиз савол бердик. Хитойга Ўзбекистон шаънини ҳимоя қилгани келганмизни таъкидлаб, тезда ўзимизни қўлга олишимиз кераклигини тушундик. Мураббийлар штаби ҳам кейинги ўйинларга бизни ҳар томонлама яхши тайёрлай олишди. Қатардан қабул қилиб олинган мағлубият бизни том маънода "уйғотиб" юборди.

Актўбедаги фожиа ҳар қандай инсонни тебратиб юборади. Бу хабарни эшитиб кўнглимиз хира бўлди. ЎФА вице-президенти Умид Аҳмаджонов бу воқеа юзасидан бизга мактуб юбордилар. Мактубда жуда таъсирли гаплар ёзилганди. Ўйинга чиқишдан аввал буни бизга кийиниш хонасида ўқиб беришганида, беихтиёр барча футболчиларни эти жимирлаб кетди. Бу фожиадан кейин кўплаб юртдошларимиз, вафот этганларнинг ота-оналари ёки фарзандларининг кўнглига ҳеч нарса сиғмайди. Бизнинг чемпионлигимиз халқимизга озгина бўлсада қувонч олиб келган бўлса, биз бундан жуда бахтиёрмиз.

Энг яхши бўлиш? Тўғрисини айтадиган бўлсам, мен мусобақанинг энг яхши футболчисига бериладиган совринни олишимни кутмагандим. Ҳар бир футболчи энг яхши бўлишни орзу қилади, бу ҳақиқат. Лекин бу эътирофга сазовор бўлишим, мен учун кутилмаган воқеа бўлди. Мусобақа давомида деярли барча учрашувларни томоша қилдим. Ҳар бир терма жамоа сафида етакчи футболчилар ажралиб туришганди. Якунда энг яхши футболчи бўлиш менга насиб қилгани ёқимли бўлди.

Буни шахсий ютуғим деб ҳисобламайман. Футбол бу жамоавий ўйин. Жамоадошларим, захирадан туриб менга далда бўлганлар ва албатта мураббийлар штабининг хизматлари катта бўлди. Бунинг учун уларга катта раҳматимни айтаман.

Юлдузлик касалига қарши иммунитет
Ҳар бир футболчи бу ютуқлардан сармаст бўлиб, осмонларда учиб юрмаслиги керак. Ҳаммамиз тезда ўзимизни қўлга олиб, бу каби рағбатлар ва мукофотлардан талтайиб кетмаслигимиз шарт. Аксинча, бу эътибор бизни янада кучли бўлишга, иштиёқимизни оширишга хизмат қилиши лозим. Бу марра чўққи эмас, балки бошланиши. Ушбу ютуқлар билан тўхтаб қолишга ҳаққимиз йўқ. Аксинча, бу бизга қўшимча куч бағишлаши зарур. Келажакда биз бунданда катта ғалабаларга, ютуқларга эришишимиз лозим.

Шахсан ўзим бу каби нарсаларга кўп ҳам эътибор бермайман. Тўғри фикрлашга ҳаракат қиламан. Муҳими, бу совринлар охиргиси бўлиб қолмаслиги керак. Ва мен шунга ҳаракат қиламан.

Яна бир нарсани алоҳида таъкидлаб ўтишни истардим, Юртбошимизни бизга яратиб бераётган имкониятлари, очиб бераётган йўллари ва мукофотлари учун раҳмат айтаман. Тўғриси, мен шундай Президентимиз борлигидан фахрланаман.

Президентимиз мукофоти, яъни "Малибу" автомашинасини отамга совға қилдим. Нимага? Мени шу даражага етиб келишимда ота-онамни хизматлари беқиёс. Тўғри, Худо менга омадимни бериб, куч-қувват берган. Бизни оқ ювиб, оқ тараган ота-оналаримизга қанча миннатдорчилик билдирсак оз.
Худо хоҳласа яна меҳнат қилиб, вақти соати келганда ўзимга автомашина сотиб оламан. Муҳими, ота-онамнинг қувончи.

Ватан шаънини муносиб ҳимоя қилиб келдик. Қаршида ҳам "Насаф"нинг ашаддий ишқибозлари жуда кўп. Улар "Ал Файсали"га қарши бўлажак ўйинни жуда интиқлик билан кутишмоқда. "Ал Файсали" билан бўладиган баҳсга руҳан барча тайёр. "Насаф" учун ҳам майдонда бор кучимизни сарфлашга, жисмоний ҳолатимизни тўғри тақсимлашга ҳаракат қиламиз. Устозимиз Рўзиқул Бердиевни ҳам юзларини ёруғ қилиб, уларни ишончини оқлашга уринамиз. "Насаф" янги мавсумни ғалаба билан бошлаши зарур.



Толибжон Қосимов ва Шаҳбоз Беҳамов суҳбатлашди

Рейтинг: +78   

Фикрлар

+13   
30 янв 00:28:57
alishernavoiy
Жуда яхши интервию булибди Одил Хамробеков сенга Катта Одилни йулини тилаб коламиз. Камида Россия чемпионатида куришни хохлардим!!!
+8   
30 янв 00:29:47
CARRASco
Ota Onasi ga judda havasim keldi gap Moshinada emas endi Oglini butun osiyo taniydi butun Ozbekiston otanga rahmat degan sozda qolishmayapti
+7   
30 янв 08:16:02
Мухлис Ака
Тарбия берган ота онанга устозларенга минг рахмат,молодец Одил газини бос камтарга камол деб шуни айтишади камтар одамлар хор булмайди ундай одамларни нафакат одамлар олох хам куллаб куватлайди
+4   
30 янв 00:34:49
Abdullayevich
Ajoyib, gap yo'q. Hamrobekovni fikrlari menga yoqdi. Kamtarin, aqlli futbolchi. Yaqin kelajakda yevropaning grand klublarida O'zbekiston sha'nini ko'klarga ko'tarib yurish unga va boshqa u kabi futbolchilarimizga nasib qilsin.
+3   
30 янв 10:25:02
Djurayev1973@mail.ru
Бунака чиройли гапларни гапирадиган бола бўлганида футбол ўйнамас эди. Журналист унинг номидан қоғоз қоралабди... Футбол шархловчилар шунчалик гапирмайдику,.. футболчи гапирадими.... Моладец лекин
+3   
30 янв 07:53:41
Элдор Мустафоев
Рўзи ака кўпгина шогирдларини нафақат етук футболчи, балки зўр инсон ҳам қилиб тарбияламоқда. Улар орасида Одилжон етакчилардан.
+3   
30 янв 00:32:44
Fozilbek Abdullayev
Odil ahmedov qanday kamtar bolsa siz ham shunday kamtarsiz Janob Hamrobekov Respect
+2   
30 янв 08:50:02
Zokirjon Erkinboyev
Odil wu darajaga yetguncha juda katta qiyinchiliklarni bowidan o'tkazdi (babayan sabab) kelajakdagi faolyatinga omad ota onang bahtiga sog' bol,Sen bilan fahirlanamiz QUWNI QIWLOQ BEKTIMIRdan
+2   
30 янв 07:21:52
имомов
Ота онанга рахмат сендай фарзандни тарбия килгани учун ва узинга хам рахмат одил
+2   
30 янв 01:13:35
Ronaldo
Ota onasiyam juda kamtarin insonla. Bugun mashinani minib qishloqqa kirib kelishyapti xammaga boshlarini egib raxmar raxmat deb kuzlarida yosh bilan. Gap yuq Odil otangga ming raxmat.
+1   
30 янв 08:49:56
Zokirjon Erkinboyev
Odil wu darajaga yetguncha juda katta qiyinchiliklarni bowidan o'tkazdi (babayan sabab) kelajakdagi faolyatinga omad ota onang bahtiga sog' bol,Sen bilan fahirlanamiz QUWNI QIWLOQ BEKTIMIRdan
+1   
30 янв 08:47:51
Zokirjon Erkinboyev
Odil wu darajaga yetguncha juda katta qiyinchiliklarni bowidan o'tkazdi (babayan sabab) kelajakdagi faolyatinga omad ota onang bahtiga sog' bol,Sen bilan fahirlanamiz QUWNI QIWLOQ BEKTIMIRdan
   
30 янв 14:09:57
A.Z.Z
Илтимос админлар чемпион йигитлар хакида битта макола чикарилар тугулган жойи уйнаган кулублари хакида.
   
30 янв 12:29:03
Orif
Chempionlarni tarbiyalagan ota-onalari Malibu minib yurishga loyiq.
   
30 янв 10:50:49
Akobir Asrarov
камтарин болага уйхшайди, лекин Азизга ухшаб узиз чиройли килиб тушунтирворинг демаган булсада
championat.asia
< сўнгги янгиликларни кўриш

Энг яхшилар

ЖЧ-2018. Португалия-Испания 3:3 LIVE+ФОТО ЖЧ-2018. Португалия-Испания 3:3 LIVE+ФОТО
ЖЧ-2018 "В" гуруҳидан ўрин олган иккинчи учрашувда мусобақа ...  437
ЖЧ-2018. Месси пенальтидан фойдалана олмаган ўйинда Аргентина очко йўқотди ЖЧ-2018. Месси пенальтидан фойдалана олмаган ўйинда Аргентина очко йўқотди
ЖЧ-2018 доирасидаги навбатдаги учрашувда Аргентина Исландияга қарши...  372
ЖЧ-2018. Уругвай сўнгги дақиқаларда Мисрни мағлуб этди ЖЧ-2018. Уругвай сўнгги дақиқаларда Мисрни мағлуб этди
Жаҳон чемпионатининг 1-тур учрашувлари давом этмоқда.  194
ЖЧ-2018. Амалдаги чемпион Германия мундиални мағлубият билан бошлади ЖЧ-2018. Амалдаги чемпион Германия мундиални мағлубият билан бошлади
Жаҳон чемпионатининг навбатдаги ўйинида Германия Мексика терма...  195
������.�������

CA ни Facebook да ўқиш
учун "Yoqdi"ни босинг