"Chelsi" Antuan Semenoni transferiga qarshi qaror qabul qildi. Avvalroq, London klubi "Bornmut" qanot hujumchisining transferi bo'yicha ma'lumot so'ragani ma'lum bo'lgandi. Biroq endi "Chelsi" futbolchini sotib olish niyatidan voz kechdi - bu haqda jurnalist Ben Jeykobs va The Athletic nashriyoti xabar bermoqda.
"Chelsi" hozirgi tarkibidagi hujumchi o'yinchilariga ishonch bildirmoqda.
Semeno joriy mavsumda Angliya Premier-Ligasidagi 16 ta o'yinda 8 ta gol urib, 3 ta gol uzatmasini bergan. Unga "Manchester Yunayted", "Manchester Siti" va "Liverpul" klublari qiziqish bildirishi xabar qilingan edi.
