“Челси” Кристофер Вивелни техник директор этиб тайинлайди

“Челси” эгалари Тодд Боэли ва Беҳдад Эгбали ўтган икки ҳафта ичида бир қатор номзодлар билан учрашди. Улар орасида пайшанба куни “Лейпциг”дан ишдан бўшатилган Вивел ҳам бор эди.

“Кристофер Вивел кеча техник директор лавозимидан озод этилди. Фарқли қарашлар туфайли ушбу қарор дарҳол кучга кирди”, дейилади Бундеслига клуби расмий баёнотида.

“Лейпциг” Вивелни бошқа бир вазифага тайинлаш борасида ҳам муҳокама қилган. Тахминларга кўра, у шу ҳафта бошида “Стэмфорд Бридж” расмийлари билан учрашган.

Вивелнинг келиши “кўклар”нинг янги эгалари учун муҳим қадам бўлади ва улар техник директордан сўнг спорт директори ҳам тайинлайди.