Манбага кўра, “Челси” футболчилари ўйинлардан олдин бутсаларини микротўлқинли печга қўйиб, иситиб олади.
Печ “Стэмфорд Бриж”даги кийим алмаштириш хонасида жойлашган ва махсус таймер билан жиҳозланган. У бутсалар кераклиги ҳароратгача қизиб кетган-кетмаганини кўрсатади.
Шунингдек, сафар учрашувларидан олдин ҳам клуб автобусига микротўлқинли печ ўрнатилади.
Ушбу методика оёқ кийимни янада юмшоқроқ, майдонга мослашувчан ва қулайроқ қилади. “Аристократлар” 2020/21 йилги мавсумдан бери бундан фойдаланиб келади.
