"ChaCha Мустақиллик кубоги"-2018. Ярим финалчилар маълум
17 авг 13:26
Янгиликлар

"ChaCha Мустақиллик кубоги"-2018. Ярим финалчилар маълум

Теглар : Болалар футболи ChaCha Мустақиллик кубоги

Тошкентда давом этаётган "ChaCha Мустақиллик кубоги"-2018 мусобақасида иштирок этаётган 2006 йилда туғилган футболчилар бугун чорак финал ўйинларини ўтказишди.

Мусобақанинг чорак финалидан ўрнин олган ҳар бир баҳс ўзига яраша қизиқ кечди. Чорак финалнинг дастлабки икки ўйинида БЎСМ-16 билан "Odil Junior" ўз рақибларини бир хил 1:0 ҳисобида мағлуб этди. "Пахтакор" тарбияланувчилари пенальтилар серияси эвазига зафар қучган бўлса, "Локомотив" футболчилари 2:0 ҳисобида ғалаба қозониб ярим финал йўлланмасига эга бўлишди.

Маълумки, "ChaCha Мустақиллик кубоги"-2018 ЎФА, "Odil Junior" болалар футбол мактаби, ТФА, “Championat.asia” сайти ҳамкорлигида ўтказилмоқда ва мусобақанинг бош ҳомийси “ChаChа“ савдо белгиси ҳисобланади.

Қуйида чорак финал натижаларини келтириб ўтамиз:

№1. БЎСМ-16 - "Чиғатой" 1:0
№2. "Бунёдкор-Б"- "Odil Junior" 0:1
№3. "Пахтакор" - "Odil Junior-2" 1:1 (пенальтилар серияси 4:2)
№4. "Локомотив" - Тошкент Академия 2:0

Бугун бўлиб ўтган баҳслардан сўнг мусобақанинг ярим финал жуфтликлари қуйидагича кўриниш олди:

1/2 финал. 18 август. "Бунёдкор" стадиони
8:30. БЎСМ-16 - "Пахтакор"
8:30. "Odil Junior" - "Локомотив"

"ChaCha Мустақиллик кубоги"-2018 мусобақасининг 2006 йилда туғилган футболчилар учун финал баҳси 19 августда ўтказилади.