Соат 11:15да бошланадиган тадбирнинг биринчи қисмида “Ал-Айн” бош мураббийи Зоран Намич ва футболчилардан бири ОАВ вакиллари саволларига жавоб қайтаради.
Шундан сўнг, “Бунёдкор” устози Сергей Лушчан ва етакчи футболчилардан бири журналистлар билан мулоқотга киришади.
“Бунёдкор” – “Ал-Айн” учрашуви олдидан ташкил этиладиган матбуот анжуманига ОАВ вакилларини таклиф этамиз.
Эслатиб ўтамиз, Осиё Чемпионлар лигаси-2017 2-тури доирасидан ўрин олган “Бунёдкор” – “Ал-Айн” учрашуви 28 февраль куни “Бунёдкор” стадионида соат 18:00да бошланади.
