"Рапид" вингери Юсуф Демирга Германиянинг 3 та клуби қизиқиш билдирмоқда, деб хабар берди "Mundo Deportivo". Футболчи айни дам ижара асосида "Барселона"да ўйнамоқда.
18 ёшли ўйинчига "Айнтрахт", "Байер" ва Дортмунднинг "Боруссия" клублари қизиқиш билдиряпти. Олдинроқ каталонияликлар Демирни сотиб олишни режалаштирмаётгани, шу боис австриялик футболчи январда клубини ўзгартириши мумкинлиги ҳақида хабар берилганди.
18 ёшли вингер жорий мавсумда барча мусобақаларда 9 ўйин ўтказиб, гол урмаган.
