Shu munosabat bilan ushbu chempionatda o'ynab o'zini ko'rsatgan osiyolik futbolchilarni yodga olamiz. Demak, bu borada birinchi futbolchi janubiy koreyalik Cha Bum Kun.
Cha Bum Kun - mashhur koreyalik himoyachi Cha Du Rining otasi. U 1978-1989 yillar oralig'ida Germaniya chempionatida o'ynab jami 98ta gol urgan. Faoliyati davomida "Darmshtadt 98", "Ayntraxt" va "Bayer" klublari sharafini himoya qilgan.
O'z davrining mohir hujumchisi bo'lgan Cha Bum Kun "Ayntraxt" (1979/80) va "Bayer" (1987/88) safida UEFA Kubogini qo'lga kiritgan. Shuningdek 1980/81 yilgi mavsumda Germaniya Kubogida zafar quchgan.
Cha Bum Kun milliy terma jamoada 58ta gol urgan. U Bundesligada o'ynagan dastlabki koreyalik futbolchi hisoblanadi.
