O'yinlarning dastlabkisi Qo'qonda "Qo'qon-1912" va "Bunyodkor" jamoalari o'rtasida o'tkaziladi.
Keyin esa "Paxtakor" "Metallurg"ni qabul qilsa, AGMK "Navbahor" bilan bahs o'tkazadi.
QO'QON-1912 – BUNYODKOR
Boshlanish vaqti: 16:15 (Sport TV)
Hakamlar: Shavkat Nasibullaev, Sardor Nishonboev, Avaz Abdullaev, Abdurashid Xudoyberganov
Nazoratchi: Aleksandr Popov
Komissar: Shohruh Said
Bu jamoalar hozirga qadar 12 marta to'qnash kelishgan. Katta ustunlik "qaldirg'ochlar" tomonida. 8ta uchrashuvda "Bunyodkor" zafar quchgan, "Qo'qon-1912" hisobida 4ta o'yinda yutgan. Yani bu jamoalar o'rtasidagi o'yinlarda hech qachon durang qayd etilmagan.
Qo'qonda o'tgan oxirgi 3ta o'yinning barchasida maydon egalari g'alabaga erishishgan.
PAXTAKOR – METALLURG (Dunyo bo'ylab)
Boshlanish vaqti: 18:15
Hakamlar: Rustam Lutfullin, Daler Tilloev, Shohnur Yo'ldoshev, To'rabek Suyunov
Nazoratchi: Timur Abdullaev
Komissar: Aleksandr Davidenko
Ushbu klublar o'rtasidagi 48ta o'yinning 40tasida poytaxt klubi g'olib bo'lgan. 4ta uchrashuvda Bekobod klubi zafar quchgan bo'lsa yana 4ta bahsda g'olibni aniqlashning imkoni bo'lmagan. Bu o'yinlarda “sherlar” 128ta gol urishgan va 36ta gol o'tkazib yuborishgan.
O'zaro o'yinlarning oxirgi 10tasida "Paxtakor" 10 marta g'alabaga erishgan. So'nggi bor "Metallurg" 2016 yilgi mavsumda "sherlar"ni mag'lub etgan edi.
O'tgan mavsum har ikkala o'zaro bahsda ham Shota Arveladze boshchiligidagi jamoa yirik hisoblarida g'olib bo'lgan. Bekobodda 3:0, Toshkentda 4:1. "Paxtakor"da bir necha yil davomida ishlagan Jasur Abduraimov "Metallurg" bosh murabbiyi sifatida sobiq klubiga qarshi.
AGMK – NAVBAHOR (Sport TV)
Boshlanish vaqti: 18:15
Hakamlar: Akobirxo'ja Shukurullaev, Timur Galeev, Doniyor Saylavov, Akmaljon Rahimov
Nazoratchi: Konstantin Smirnov
VAR hakami: Ilgiz Tantashev
VAR assistentlari: Aleksandr Sidorov, Timur Gaynulin
VAR nazoratchisi: Farhod Abdullaev
VAR operatori: Jahongir Saidov
Texnis mutaxassis: Otabek Sodiqov
Komissar: Laziz Qo'chqorov
Mazkur klublar O'zbekiston chempionati doirasida 26 marta o'zaro o'yin o'tkazishgan. 11 bor AGMK, 7 bor "Navbahor" 3 ochkoni qo'lga kiritgan. Qolgan 8ta uchrashuvda murosa ko'chasi tanlangan.
O'tgan mavsumda ikkala o'yin ham durang bilan tugagan. Namanganda 0:0, AGMK maydonida 1:1. AGMK mezbonligida o'tgan oxirgi 3ta uchrashuvda "Navbahor" mag'lub bo'lmagan - 1 g'alaba, 2 durang.
