Бранислав Иванович: "Еврокубоклар финалида гол уришдан яхшироқ ҳиссиёт йўқ"

"Еврокубоклар финалида гол уришдан яхшироқ ҳиссиёт йўқ. Ажойиб ҳолат ва фаолиятимдаги энг муҳим гол. Ушбу ғалабани бутун жамоа қўлга киритди. Жуда қийин ўтган мавсумни биз соврин билан тугатишимиз шарт эди. Ғалабадан шодланиш лозим.

Ушбу кубокни мухлисларимизга бағишлаймиз, биз чемпионатда ҳам курашдик, Европа лигасида ҳам ўзимизни аямадик.

Биринчи бўлимда "Бенфика" биздан кўра яхшироқ ўйнади. Танаффусдан кейин ҳисобни очдик, менимча "Челси" ғалабага ҳақли эди. Олдимизда чемпионат доирасидаги уй ўйинимиз бор ўша куни ғалаба қозониб мухлисларимиз билан бирга бугунги совринни байрам қилишимиз керак", - дейди Иванович УЕФА расмий сайтига.