"Борнмут" расмий сайти Андони Ираола бош мураббий этиб тайинланганини эълон қилди. Баск билан шартнома икки йилга мўлжалланган.
40 ёшли Ираола ёш бўлишига қарамай, етарлича мураббийлик тажрибасига эга. У аввалига АЕК, кейин Сегундадан "Мирандес" билан ишлади, аммо асосий муваффақиятини "Райо Вальекано" билан қўлга киритди. Ираола бу жамоани Ла Лигага олиб чиқди ва қизиқарли ўйин кўрсатиб, элитада сақлаб ҳам қолди.
