Mazkur bahsdan so'ng, darvozaga kiritilgan ikkinchi gol muallifi Bobur Yuldashevni suhbatga chorladik.
- “Bunyodkor” bilan kechgan uchrashuv haqida fikr mulohazalaringiz bilan o'rtoqlashsangiz...
- Poytaxt jamoasi bilan o'yin oson kechmasligini oldindan bilardik. Tayyorgarlik ham shunga yarasha bo'lgandi. Birinchi bo'limda urgan gollarimiz bizga ustunlik va biroz xotirjamlik berdi. Baribir yakunda o'zimiz uchun kerakli natijaga erishdik.
- AGMK umumiy hisobda uchinchi marotaba “qaldirg'ochlar” dan uch ochko tortib olishni uddasidan chiqdi...Nima deb o'ylaysiz raqib sizlarga etarlicha qarshilik ko'rsatdimi?
- Bu – futbol! Unda kimdir yutadi yoki yutqazadi. Ular ikkinchi bo'limda, hisobdagi farqni tenglashtirish uchun katta kuch bilan oldinga o'tishdi.
- Umuman poytaxt jamoalari bilan kechadigan uchrashuvlarning qiziqarli tus olishini boisi nimada?
- Kuchli klublarga qarshi o'yinlar nimasi bilan qiziq? Menimcha ularga qarshi o'yinga hozirlik ham jiddiy bo'ladi. Shuningdek poytaxt klublari hujumkor va ochiq futbol taklif qilishadi.
- Vadim Abramov bilan avval ham birga ishlagansiz. Uning uslubi va qarashlaridan xabardorsiz. Sizningcha uning jamoasiga nima yetishmayapti?
- Meni shu darajaga chiqishimda Vadim Karlenovichning xizmatlari katta. Balki terma jamoaga murabbiy etib tayinlagani jamoaga ta’sir qilayotgan bo'lishi mumkin. Yana bilmadim.
Abdulaziz suhbatlashdi
