UZ

Сўнгги янгиликлар

08:36Жоау Марио “Вест Хэм”га ўтади  0 08:18“Чиғатой”да Про-лига ҳакамлари учун семинар бўлиб ўтмоқда  0 08:18Дармиан кетади. МЮ унинг нархини эълон қилди  0 08:00“Лестер” “МЮ”нинг собиқ ҳимоячиси учун 25 миллион фунт тўлашга тайёр  1 08:00Илҳом Шарипов: “Динамо”да ҳозирча ҳаммаси мавҳум”  3 07:38Лукас Моурага Италиядан ҳам харидор чиқди   0 07:20“Челси” “Рома”нинг бирйўла икки футболчисини сотиб олмоқчи   2 07:04Зидан “Леганес” устидан қозонилган ғалабадан сўнг нималар деди?   7 07:00Бугун 13:00. Япония U-23 - Ўзбекистон U-23   19 03:33Испания кубоги. Сўнгги дақиқаларда урилган гол “Реал”га ғалаба келтирди  12 03:26Мина илгари Пуйоль ва Иньеста ўйнаган рақамда майдонга тушади  1 02:30Olamsport: WBC етакчиларидан бири бўлган ўзбек боксчисининг жанг санаси маълум, жаҳон чемпионати сари йўлни мағлубият билан бошладик  0 01:53“Барселона” Серхио Роберто билан янги шартнома борасида келишиб олди  4 01:17“Леганес-“Реал”: таркиблар маълум  20 01:07Ҳуқушунос: “Неймарнинг шартномасида товон пули кўрсатилмаган”  9

Биринчи лига. 5-тур олдидан Янгиликлар

Биринчи лига. 5-тур олдидан

Бугун биринчи лиганинг иккинчи босқичидан ўрин олган 5-тур учрашувлари бўлиб ўтади.
Бу турдаги ҳамма учрашувлар шу куннинг ўзидаёқ ўтказилади. Аксарият баҳсларнинг қизиқарли кечиши кутилмоқда. Биз эса одатга кўра жуфтликларнинг ҳар бирига алоҳида тўхталиб имкониятларни чамалаб кўрамиз.

«ИСТИҚЛОЛ» – «ОРОЛ»
Имкониятлар – 70:30

Тошкентнинг “Истиқлол” жамоаси дастлабки икки турни ўз майдонида ўтказиб, ғалаба қозонди. Кейин пойтахтликлар сафардаги иккита баҳсда мағлубиятга учрашди. “Орол” эса кетма-кет учта ўйинда мағлубиятга учраб, фақат охирги беллашувда дуранг қайд этди. Шундай экан, бу турда “Орол” бор имкониятдан тўлиқ фойдаланишга ҳаракат қилиши аниқ. “Истиқлол” эса ўз майдонида яхши ўйин намойиш этишини инобатга олсак, мазкур беллашувда пойтахтликларнинг имконияти юқори баҳоланмоқда.

«НБУ-ОСИЁ» – «ХОРАЗМ»
Имкониятлар – 50:50

“НБУ-Осиё” иккинчи босқичнинг дастлабки тўртта ўйинида имкониятни бой берди. Шу боис “банкчилар”нинг ҳозирги ҳолатига ҳавас қилиб бўлмайди. “Хоразм” эса охирги икки учрашувни ғалаба билан якунлади ва уларнинг кайфияти жойида. Аммо Тошкентдаги баҳс урганчликлар учун осон кечмаслиги аниқ, шу боис ҳам бу ўйинда имкониятларни тенг дея баҳоладик.

«ПАХТАКОР-2» – «АЛАНГА»
Имкониятлар – 50:50

Айни пайтда ҳар иккала жамоанинг аҳволи ҳавас қилгудек даражада эмас. “Пахтакор-2” тўртта ўйиндан учтасида имкониятни бой бериб, фақат бир марта ғалаба қозонган бўлса, “Аланга” барча тўрт учрашувда мағлубиятга учради. Лекин бир нарсани унутмаслик лозим, ҳозирда ҳар икки жамоа ўз олдига ёшларни тарбиялаш мақсадини қўйган. Хусусан “Пахтакор-2” “Пахтакор” учун, “Аланга” эса “Машъал” учун ўйинчи тарбиялаб бериш билан шуғулланмоқда.

«ОҚТЕПА» – «ШЕРДОР»
Имкониятлар – 80:20

“Оқтепа” уй жамоаси эканлиги кўпчиликка маълум. Бу жамоа уйда исталган рақибни мағлубиятга учратиши мумкин. “Шердор” иккинчи босқич бошланганидан бери на уйда, на сафарда умуман ғалаба қозона олмади. “Шердор” ҳам худди “Аланга” ва “НБУ-Осиё” каби барча тўртта ўйинни мағлубият билан якунлади. Агар самарқандликлар бугун дуранг ўйнашса ёки ғалаба қозонишса, бу чинакам сенсация бўлиши шубҳасиз.

«АНДИЖОН» – «РЕГИСТОН»
Имкониятлар - 60:40

“Андижон” олий лигага чиқиш учун ҳаракат қилмоқда. “Регистон”нинг мақсади эса келаси йил ҳам биринчи лигада иштирок этиш. Аммо шунга қарамай, жамоа охирги учта ўйинни ғалаба билан якунлади. “Андижон” эса иккинчи босқич бошланганидан бери барча тўрт учрашувда ғалаба қозонган ягона жамоа бўлиб турибди. Шунга қарамай, бу баҳсда майдон эгаларининг имконияти юқори бўлса керак.

«ҚЎҚОН-1912» – «ЗАРАФШОН-ПФК»
Имкониятлар – 50:50

Бу ўйинда жамоаларнинг ғалабага бўлган имконияти тенг кўринмоқда. Чунки “Қўқон-1912” ҳам, “Зарафшон” ҳам савия жиҳатдан бир-бирига яқин жамоалар ҳисобланади. Албатта, “Қўқон-1912”нинг ўз уйида тўп суриши Тоҳир Кападзе шогирдларига устунлик бериши турган гап, аммо навоийликлар ҳам анойилардан эмас. “Зарафшон” сафарда ҳам ўзини кўрсата оладиган жамоалар сирасига киради.

«КОСОНСОЙ» – «МАШЪАЛ»
Имкониятлар – 30:70

Шубҳасиз, “Машъал” бу жуфтликнинг фаворити. “Машъал”нинг мақсади аниқ: имкон қадар тезроқ олий лига йўлланмасини қўлга киритиш. “Косонсой” эса ўз олдига катта вазифаларни қўймайди. “Косонсой” дастлабки икки турни ўз майдонида ўтказиб, ҳар иккаласини ғалаба билан якунлади. “Машъал” эса хоҳ сафарда, хоҳ уйда бўлсин бир хил даражада ўйин кўрсатади. Шунга қарамай, муборакликларга қаршилик кўрсатиш “Косонсой” учун осон бўлмайди.
 
«ЧУСТ-ПАХТАКОР» – «СПАРТАК»
Имкониялар – 50:50

“Чуст-Пахтакор” ҳам асосан уй жамоаси ҳисобланади. Чунки жамоа очколарни кўпинча ўз майдонида олади. “Спартак”ни эса бемалол мавсум кашфиёти бўлди дейиш мумкин. Негаки кўпчилик Усмон Тошев жамоасини мазмунли ўйин кўрсатмоқда деб айтяпти. Бу ўйинда томонларнинг имконияти бир хил бўлса керак. Стадионга борадиган мухлислар чиройли футбол гувоҳи бўлишса ажаб эмас.

Хайрулла ХОЛИҚОВ.
Рейтинг:    

Фикрлар

championat.asia
< сўнгги янгиликларни кўриш

Энг яхшилар

Самвел Бабаян: "Вақти келса барини айтиб бераман..." Самвел Бабаян: "Вақти келса барини айтиб бераман..."
ЎФФ футболдан бутунлай четлатган мураббий Самвел Бабаяннинг терма...  256
Умид Аҳмаджонов - Миллий олимпия қўмитаси янги президенти Умид Аҳмаджонов - Миллий олимпия қўмитаси янги президенти
Бугун Ўзбекистон Миллий олимпия қўмитаси биносида ташкилотга янги...  195
Умид Аҳмаджонов: "Терма жамоанинг янги мураббийини кўргач, халқимиз албатта хурсанд бўлади" Умид Аҳмаджонов: "Терма жамоанинг янги мураббийини кўргач, халқимиз албатта хурсанд бўлади"
ЎФФ президенти Умид Аҳмаджонов Ўзбекистон терма жамоасининг янги...  169
Қозоғистонда ҳалок бўлган ҳамюртларимиз яқинларига таъзия билдирамиз Қозоғистонда ҳалок бўлган ҳамюртларимиз яқинларига таъзия билдирамиз
Бугун, 18 январь куни Қозоғистоннинг Ақтобе вилояти Иргиз туманида...  145
������.�������

CA ни Facebook да ўқиш
учун "Yoqdi"ни босинг