UZ

Сўнгги янгиликлар

15:49А Серия ҳақида энг қизиқ статистик маълумотлар  0 15:40"Севилья" Гедешни "Валенсия"дан харид қилмоқчи. "Кўрпалаклар" футболчи учун 40 млн евро талаб қилишмоқда  1 15:18Хави Барселонага нега келганини айтди  1 14:56"Ювентус" янги уй либосини намойиш этди  1 14:36Виктор Карпенко - "Бунёдкор" - "Навбаҳор" ўртасидаги ўйинларда тўпурар. Рўйхатда чилилик ва бразилиялик футболчи бор  7 14:32Olamsport: Конор яна ота бўлди, барча даврларнинг энг яхши оғир вазнли боксчиси ва бошқа хабарлар  0 14:24Италия терма жамоаси Евро-2020 учун таркибни эълон қилди  20 14:00ПСЖ Киннинг трансфери устида ишламоқда  0 13:37Карикатура: Совринларсиз Харри Кейн  2 13:25Эшитдик-да! АГМК - "Бунёдкор" учрашувида Абрамов меҳмонлар кийим алмаштириш хонасига кирган  44 13:14Спортчилар ижтимоий тармоқларда  0 13:04"Ювентус" Дуглас Костани қўйиб юборишга рози бўлди  0 13:00Тажрибали мураббий Геннадий Кочнев - "Нефтгазмонтаж" клубида иш бошлади   3 12:42ОФК Кубоги-2021. 9та гол, 2та пенальти, 3та автогол ва трибунадаги "Навбаҳор" собиқ футболчиси. "Олой" - "Олтин Аср" ўйинидан ГАЛЕРЕЯ  7 12:34Карикатура: Ла Лигада чемпион сўнгги турда маълум бўлади, "Барса" эса курашдан чиқди  4

“Берсанг ейман, урсанг ўламан” — Пул топишни истамайдиган клублар ҳақида Янгиликлар

“Берсанг ейман, урсанг ўламан” — Пул топишни истамайдиган клублар ҳақида

Ўзбекистонда қишки трансфер ойнаси ёпилди.

Жамоалар ўз таркибларини кучайтириб олишга имкон қадар уриниб кўришди. Кимлар уддалади, кимлар улгурмади. Майли, булар ўз йўлига.

Ўзбек футболи ҳақида гап кетса, доим  клубларнинг боқимандалигидан нолиймиз ва уларнинг тезроқ хусусий қўлларга ўтишини истаймиз. Қувонарли жиҳати, Суперлиганинг бошланган мавсумида хусусий жамоалар сони яна иккитага (“Турон”, “Андижон”) кўпайди. Ҳозир айни жамоаларнинг қишки трансфер ойнасидаги ҳаракатлари тўғрисида бироз мушоҳада юритсак...

Сизга маълумки, Ўзбекистон шароитидаги футбол жамоалари бугунги кунда телевизион ҳуқуқлардан даромад қилиш ҳақида ўйлай олишмайди. Ҳомийлик шартномалари-ю тижорий ҳамкорлик ҳам ўз йўлига. Аммо исталган жамоа трансфер ойнасида яхшигина маблағ ишлаб олиш имкониятига эга. Фақат ўзбек клублари бу имкониятдан фойдаланишни истамайдигандек кўринади...

Футбол — бу глобал бозор, унда ўйинчилар суръатли равишда жамоаларни алмаштириб туришади. XXI асрга келиб миллионлар ўйинида миллиардлар айлана бошланади. ФИФА хисоботига кўра, 2020 йил давомида умумий ҳисобда 17077 та трансфер амалга оширилган ва бунга 5,63 миллиард доллар маблағ сарфланган. 

Трансфер бозорида жуда катта фойда қилса бўлади. Буни яхши тушунган профессионал клублар ўз трансфер сиёсатларини ишлаб чиқишади ва шунга мос келадиган ўйинчиларни, иқтидорларни қидиришади. Масалан, португал грандлари асосий эътиборини потенциал юлдузларга қаратиб, қисқа муддатда улкан даромад қилишни кўзласа, "Ювентус" мутасаддилари катта футболда ўз сўзини айтишга улгурган, тажрибали ўйинчиларни таркибига қўшиб олиш учун тер тўкади.

Минг афсуски, аксар клубларимизнинг профессионаллиги ҳаминқадар. “Берсанг ейман, урсанг ўламан” қабилида яшайдиган замонлар аллақачон ўтганини  билишмайдигандек. Бизда янги ўйинчи билан шартнома қиладиган клублар кўп (99%) ҳолатларда 1 йил ёки 6 ойга мўлжалланган “битимча”ни тузишади. Бу далолат берадики, “профессионал”ларимизда на трансферга мўлжалланган сиёсат бор, на улар трансфер бозорида фойда қилиш ҳақида ўйлашади. Ўзбек футболидаги аксар шартномалар 1 қадаҳ аччиқ чой устида қилиб келингандек гўё.

Давлат маблағлари асосида молиялаштириладиган клубларимизга шу ҳақдаги савол билан юзлансак, жамоа сметасининг беқарорлигидан нолишади. Акс ҳолда, узоқ муддатга битим тузишни, уларни трансфер ойнасида катта-катта маблағларга сотишни орзу қилишлари ҳақида маломат қилишади. 

Майли, футбол ичида трансфердан тушган пулни клубнинг ҳисоб рақамига эмас, ўзининг яширин чўнтакига тушириш учун ўйинчиларни “қора бозор”га соладиган жаноблар борлиги ҳақидаги гумонларни бир чеккага сурайликда, мавзуни хусусий жамоаларимиз манзилига бурайлик.

Хўп, давлат маблағлари асосида молиялаштирилаётган клубларимиз сметасининг беқарорлигидан қўрқиб “одноразовый” трансферлар  қилишаркан. Лекин, “Турон” каби хусусий жамоаларимиз ҳам пешона терига топилган маблағларини бир йиллик футболчилар учун сарфлаб юбораётгани бир томондан кишини ҳайрон қолдирса, бошқа томондан хафа қилади.

Эътибор қилинг, яйпанликлар 1-турда “Қўқон-1912”ни қабул қилишди. “Турон” томонидан ўша ўйин қайдномасига 23 нафар футболчи киритилган. Улардан 21 нафари мавсум охирида эркин агентга айланади (Ким Бойонг ва Билолхон Тошмирзаевдан ташқари). 

Яъни жамоа раҳбарлари томонидан 1 йиллик футболчилар учун сарфланган миллиардлар фақат бугунги натижа учун йўналтирилган. Бировнинг ҳисобидаги маблағни ҳисоблаш фикридан йироқмиз, лекин “пулни мақсадсиз сарфлаш” деб шунга айтишади. Айтмоқчимизки, клуб раҳбарлари футбол орқали фойда қилишни ўйламаяпти, фақат сарфлаяпти. Фойда келмас экан, кўп ҳолларда бундай сиёсат иқтисодий инқироз билан якунланади ёки раҳбарият зериккан куни футбол ўлади.

Энди “Турон”нинг ўша кунги рақиби қўқонлик футболчилар таркибига разм соламиз. Жамоа қайдномасидан 23 нафар ўйинчи ўрин олган. Улардан 22 нафарининг шартномаси мавсум охирида якунланади (Илҳомжон Ваҳобовдан ташқари).

Афсуски, яқинда хусусий қўлларга ўтган “Андижон” жамоасидаги ҳолат ҳам бундан фарқ қилмайди. Жамоа қишки трансфер ойнасида 18 ёшли Жасурбек Жалолиддинов билан шартнома имзолади. Навоийлик футболчига халқаро майдондан ҳам “совчилар” борлигидан хабардорсиз. “Андижон” футбол клуби мутасаддилари узоқни кўзласа, Жасур билан жорий йилнинг охиригача мўлжалланган шартнома имзолашга шошилмасдан, уни узоқ муддатлик битимга кўндиришлари керак эди.  

Тўғри, юқоридаги маълумотлар ўзбек футболи учун ажабланарли ҳолат эмас. Бироқ, умид қиламизки, футболга пул тикаётган тадбиркорларимиз тез орада бу орқали мўмай даромад қилиш мумкинлигини ҳам тушуниб етишади ва янги иқтидорларни кашф қилиш йўлига ўтишади, кучли академиялар кераклигини ниҳоят англашади. Ҳозир пул топишни истамаётган клублар қачондир шунинг ҳаракатига тушиб қолишади. Акс ҳолда, мантиқ деган матоҳ бир чеккада йиғлаб тураверади...

Фахриддин Рўзиев

Қадрли мухлис, ўзбек футболидаги 1 йиллик шартномалар тўғрисида сиз қандай фикрдасиз?

Муаллиф : Faxriddin Ro'ziyev
Рейтинг: +16   

Фикрлар

+5   
13 мар 22:10:08
Fakhriddin Ruziev
WoxNasaf фойдаланувчининг фикрига жавоб бериш
Siz bergan muxlat tugadiku nimaga UFAni kelishgan hakamlar to'g'risidagi malumotlarni oshkor qilmayapsiz? Qani maqola 21 fevralda aytmoqchi edizku Faxriddin ???
Қайси йилнинг 21 феврали экани айтилмаганди))
+4   
13 мар 23:17:57
Fakhriddin Ruziev
WoxNasaf фойдаланувчининг фикрига жавоб бериш
Exxee gapirdim Qo'ydim deng quradan so'ng dedizku? Siz ham Ahad Qayum bo'lib ketibsiz ,
Hammasi manga bog'liq bo'lsa, boshqacha bo'lishi mumkin edi.
+4   
13 мар 22:41:01
Fans shop bayern
Achiq bolsa ham xaqiqatni etaman turon obodga oxshab yoq bolib ketsa kerak obod ham hususiy edi pul topib berolmadi kattakonlari shuncha mablag havoga uchmoqda
+3   
13 мар 22:07:52
WoxNasaf
Siz bergan muxlat tugadiku nimaga UFAni kelishgan hakamlar to'g'risidagi malumotlarni oshkor qilmayapsiz? Qani maqola 21 fevralda aytmoqchi edizku Faxriddin ???
+2   
13 мар 22:14:55
Skarpion
Bu klublar uzoqqa bormaydi bir ikki yilda yopilim boshqa mchj ochiladi yoki obodni kuni bishlariga tushadi
+1   
13 мар 23:47:52
WoxNasaf
Fakhriddin Ruziev фойдаланувчининг фикрига жавоб бериш
Hammasi manga bog'liq bo'lsa, boshqacha bo'lishi mumkin edi.
Ok, omadizni bersin.
+1   
13 мар 23:18:19
Spartak1982
Хар Бир футболчига 5600 сум ойлик килиб куйилса Ахмад Каюм тинчирди.
+1   
13 мар 23:06:33
WoxNasaf
Fakhriddin Ruziev фойдаланувчининг фикрига жавоб бериш
Қайси йилнинг 21 феврали экани айтилмаганди))
Exxee gapirdim Qo'ydim deng quradan so'ng dedizku? Siz ham Ahad Qayum bo'lib ketibsiz ,
+1   
13 мар 22:14:59
fc Surxon
Adashmasam chempionat asiadagi qaysidir jurnalist korupsiya boyicha UFAdan hisibot bermayaylar ozimizni materiallarni oshkor qilamiz degandi qani oziylar haqida gapiriylar oldin
   
14 мар 10:21:14
Baxtiyor
Ўзбекистон шароитида хусусий клуб бўлмайди, бунга давлатимиз, иқтисодимиз ҳали тайёр эмас. Хусусий секторга клубларни бериш учун керак эмас, ҳаммаси табий йўл билан бўлиши керак. Унгача хохлаймизми, йўқми Давлатнинг катта корхона ва ташкилотлари клубларни молиявий томондан қўллаб-қувватлаб туришга мажбур, бу Ўзбекистон Президенти қарор ва фармонларида алоҳида кўрсатилиб ўтилган. Президентимиз ҳам ниманидир биларки шундай қарор ва фармонлар чиқарганлар. Журналистлар бюджет пули деб чайнамасдан воқеъликга Реал қарашлари керак.
Мени ўзимни клубим мисолида, Супер, ПРО ва 1-лигага умумий 9 та футболчини бердим, уларни ҳаммасини, 1 тасидан ташқари 3/4 йиллик шартномалари бор эди, уларни клублар текинга олишди, пул тўлашни хохлашмади. Талаб қилсак, футболчини ота-оналари уйимни тагида дод-фарёд қилишади ва ҳакозо...
Кўчада қолмасин деб текинга бўлса ҳам берворамиз...
   
14 мар 01:06:25
LAR373
Фахриддин Жасурни Андижон бн шартнома килганини узи катта гап. Андижон тугри йулдан кетмокда
   
13 мар 23:43:22
Haqiqat_2
Fakhriddin Ruziev фойдаланувчининг фикрига жавоб бериш
Hammasi manga bog'liq bo'lsa, boshqacha bo'lishi mumkin edi.
Шуничун олдиндан котта ёзиш керемас
   
13 мар 23:09:08
Мехриддин Абдурахмонов
Андижон факат бил йиллик эмас 3-5 йиллик шартномалар хам бор, факат Яна лигада колишни уйламасдан натижа килиш учун баьзи Бир уйинчилар олинган. Вакт утиб тажриба тулаб олишар.
   
13 мар 23:03:59
Б.Х.
Бир йиллик шартнома тузадиган жамоалар факат бугуни у́йлайдиган жамоалардир,улар чемпионат тугагандан кейин бир йиллик у́йинчилар бошка жамоа излаб колади ва бошка жамоага бориб яна бир йиллик шартнома тузади ва карабсизки у жамоадан бу жамоага у́тишдан хеч хам чарчамийди,унака у́йинчиларни хакаларга у́хшатаман,унака у́йинчилардан воз кечиш пайти келмадимикан камида шартномани уч йилдан кам бу́лиши керак ана у́шанда у́йинчилар жамоаларни тез-тез алиштиришмаган бу́ларди.
   
13 мар 22:53:21
Анвар Рахимов
Пул борми узоқ муддатли шартномалар тузишга? Давлат бюджети асосида кун кўрадиган клубларнинг ташвиши фақат футболчига тўланадиган пул билан боғлиқми? База, академия, ишчи ходимлар.... Агар қайсидир футболчи оғирроқ жароҳат олиб қолса, уни Германия ёки Японияга ўхшаган медицинаси илғор давлатларга олиб бориб даволатишга қанчалаб маблағ кераклигини ким айта олади? Қайси ҳомийнинг шунча пулни сарфлаб хусусийлаштиришга қурби етади? Бир йил бўлсада Ободдек кичикина жамоани ташкил қилган ҳомийлар катта клубларнинг неччи ойлик харажатини кўтара оларди?
championat.asia
< сўнгги янгиликларни кўриш
Яндекс.Метрика