“Бавария” сафига яна бир жаҳон чемпиони қўшилади

Айни пайтда “Атлетико” (Мадрид)  клубида тўп тепаётган футболчи мюнхенликлар билан беш йиллик шартномага имзо чекди. Футболчи учун германияликлар 80 миллион евронинг баҳридан ўтишларига тўғри келади. 

2018 йилда Франция термаси сафида жаҳон чемпионлигига эришган футболчи 1 июндан “Бавария” аъзосига айланади ва янги жамоасида йилига 13 миллион евро ишлаб топади.

Шунингдек, Эрнандес Бундеслиганинг энг қиммат футболчиси ҳам ҳисобланади. Бундан аввалги рекорд ҳам “Бавария” футболчилари – Мартинес (40 миллион) ва Толиссо (42 миллион)га тегишли эди.

Эслатиб ўтамиз, бунгача “Бавария” бошқа бир француз ҳимоячиси, жаҳон чемпиони Бенжамин Павар билан ҳам келишувга эришганди.