"Бавария" ПСЖ футболчисининг трансферини эълон қилди
01 июл 2020 14:27
Янгиликлар

"Бавария" ПСЖ футболчисининг трансферини эълон қилди

ПСЖ ҳимоячиси Ньянзу Куасси фаолиятини "Бавария"да давом эттиради.

Клуб матбуот хизматининг хабарига кўра, томонлар 2024 йилнинг 30 июнига қадар мўлжалланган шартномага имзо чекишган.

"Мен "Бавария"да ўйнаш имкониятини қўлга киритганимдан хурсандман. Бу катта анъаналарга эга буюк клуб. Бу ерда муҳим ролни ўйнашимга умид қиламан. Бунинг учун астойдил ҳаракат қиламан", - дейди Куасси.

Эслатиб ўтамиз, 18 ёшли ҳимоячи "Бавария"га ПСЖдан эркин агент мақомида ўтди.

Куасси жорий мавсум ПСЖ либосида 6та ўйинда майдонга тушиб, 2та гол уришга эришди.