"Барселона" Юмтити борасида МЮ таклифини эшитишга тайёр
28 мар 12:44
Янгиликлар

"Барселона" Юмтити борасида МЮ таклифини эшитишга тайёр

"Барселона"нинг франциялик ҳимоячиси Самуэль Юмтити фаолиятини "Манчестер Юнайтед"да давом эттириши мумкин.

Маълумотларга кўра, Каталония клуби футболчини 70-90 млн. еврога сотмоқчи. "Барселона"га "Аякс" ҳимоячиси Маттейс де Лигтни сотиб олиш учун пул керак. Шу билан бирга кўк-анорранглилар голландияликка таркибдан жой топиши лозим. Бундан ташқари Юмтити жароҳатланган тиззасини операция қилдиришни истамаётгани клубдагиларга ёқмаяпти.

25 ёшли Юмтити 2016 йилнинг ёзида "Лион"дан "Барселона"га ўтган эди. Трансфер 25 млн. евро эвазига амалга ошган. Жорий мавсум у ЛаЛиганинг бор-йўғи 9та учрашувида майдонга тушиб, 1та голли пас берди. Юмтит ва "Барселона" ўртасидаги битим 2023 йилнинг ёзида якунига етади.

Ҳавола :

Манба : Goal

Янгиликларни Телеграмда ўқинг!

Рейтинг: