O'yinning 25 va 65-daqiqasida mezbonlar vakillari Jo va Karlos Villanueva penaltidan gol ura olishmadi. Bu esa jamoaga qimmatga tushdi va "Bunyodkor"ning OCHL-2016 pley-offidagi raqibi 1:2 hisobida yutqazib qo'ydi.
Aziz Haydarov bu uchrashuvda 90 daqiqa o'ynadi. "Al Shabab" 12ta o'yindan 19 ochko to'plab musobaqa jadvalining 5-pog'onasida bormoqda. Jamoa keyingi o'yinni 25 dekabr kuni safarda "Al Vasl"ga qarshi o'tkazadi.
"Al Shabab" - "Al Dafra" 1:2
Gollar: Muhammad Juma Eyd 85 - David Barral 45, M.Diop 74.
Amalga oshirilmagan penalti: Jo 25, Karlos Villanueva 65.
