"Атлетико" президенти Мбаппенинг "Реал"га ўтишини қўллаб-қувватлайди
01 янв 1970 06:00
Янгиликлар

"Атлетико" президенти Мбаппенинг "Реал"га ўтишини қўллаб-қувватлайди

Мадриднинг "Атлетико" клуби президенти Энрике Сересо ПСЖ ҳужумчисини "қаймоқранглилар" сафида кўришни хоҳлаётганини очиқчасига эълон қилди.

"Мен Килиан Мбаппенинг "Реал" футболчисига айланишини хоҳлардим. Бундай трансфер бутун испан футболи жозибадорлигига ижобий таъсир қилади", — дейди "матрасчилар" бошлиғи.

Эслатиб ўтамиз, "Реал" ёзда 22 ёшли француз футболчисини сотиб олишга яқин эди. Аммо мадридликларнинг 180 миллион евролик таклифини Лига 1 вице-чемпионлари рад этди.

Шундай бўлса-да, ПСЖ ҳужумчиси шартнома муддати якунлангач, келаси йилнинг ёзида "бланкос"га ўтиши мумкин.

Ҳавола :

Манба : Sport

Янгиликларни Телеграмда ўқинг!

Рейтинг: +6