UZ

Сўнгги янгиликлар

Асрор Ғофуров: "Масъулиятни зиммамга олишга ва "Сурхон" учун боримни беришга тайёрман" Янгиликлар

Асрор Ғофуров: "Масъулиятни зиммамга олишга ва "Сурхон" учун боримни беришга тайёрман"

Суперлиганинг учинчи турида "Сурхон" жамоаси ўз майдонида "Қўқон-1912"ни қабул қилди ва 1:1 ҳисобидаги дурангга имзо чекди.

Учрашувда майдон эгаларининг ягона голига Асрор Ғофуров муаллифлик қилди. Ўйиндан сўнг ярим ҳимоячи сайтимизга фикрларини билдириб ўтди.

"Бугун Суперлигадаги илк голимни урдим. Бу албатта ёқимли. Ғалаба қозонишимиз ҳам мумкин эди. Ўзимиз юзага келтирган голли вазиятлардан фойдалана олмадик. Жамоадошларимга охиригача курашгани учун раҳмат айтаман.  

Менимча, ҳали юз фоиз спорт формасига кириб олганимиз йўқ. Мураббийларнинг олдимизга қўйган вазифаларини бажаришга ҳаракат қиляпмиз. Биз жамоавий ўйинни йўлга қўйиш йўлида ишлаяпмиз, бу ўз самарасини беришига ишонаман. 

Масъулиятни зиммамга олишга ва жамоамиз учун боримни беришга тайёрман. Қолган ёш футболчилар ҳам борган сари тажриба тўплаб боришади", дейди Асрор Ғофуров.


Абдулазиз Искандаров ёзиб олди

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика