Бу ҳақда “Daily Mail” нашри хабар бермоқда.
47 ёшли мутахассис Туркия футбол федерацияси (TFF) Элит ҳакамлар корпуси директори этиб тайинланди. Янги лавозимда Тэйлор туркиялик ҳакамларнинг стратегик ва техник ривожланишига, шунингдек, ҳакамлик тизимини УEФА ва ФИФА стандартларига мувофиқлаштиришга масъул бўлади.
Июль ойида англиялик мутахассис 20 йиллик ҳакамлик фаолиятидан сўнг фаолиятини якунлаганини эълон қилганди. Тэйлор 2010 йилдан бери АПЛ ўйинларида ҳакамлик қилиб келган, шунингдек, 2020 ва 2024 йилги Европа чемпионатлари ҳамда ЖЧ-2022’да ишлаган. У Англиянинг барча кубок турнирлари финалларини бошқарган ва 1901 йилдан бери Англия Кубоги финалида фаолияти давомида икки марта ишлаган биринчи ҳакамга айланган эди.
