UZ

Сўнгги янгиликлар

20:51Погба: “Барселона” дунёнинг энг яхши жамоаларидан бири”  2 20:33Неймар нима истайди?  4 20:15“Реал” Вест Хэм” ярим ҳимоячисига қизиқиш билдирмоқда  1 20:00Муҳаммад Али, Тайсон ва бокс тарихидаги энг машҳур мутлақ жаҳон чемпионлари (Топ 10)  2 19:40Икарди машғулотларга қайтади  1 19:24“Лацио” “Ливерпуль” ҳимоячисини текинга қўлга киритиш мумкин  2 19:17"China Cup-2019". Хитой ярим финалда Таиландга кичик ҳисобда мағлуб бўлди  39 18:45Регилон: "Мессини тўхтатиб бўлмайди? Ҳаммани тўхтатиш мумкин"  26 18:10"Барселона" Суарес ўринбосари учун 50 млн. евро таклиф қилади  8 17:49Евро-2020 элчилари номи эълон қилинди  5 17:17Модричга йил спортчиси соврини топширилди  13 17:14Ўзбекистон миллий терма жамоасининг Уругвайга қарши ўйин олдидан ўтказган машғулотидан ГАЛЕРЕЯ  35 17:05"Наврўз Кубоги"-2019! Эртага 1-тур ўйинлари старт олади  5 16:57"Бавария" "Атлетико" футболчиси трансферининг бир қисмини тўлаб бўлди  2 16:42U-23 Осиё чемпионати саралашидан олдинги матбуот анжумани  4

Анхель Ди Мария: "Месси аллақачон энг буюк футболчи эканлигини исботлашга улгурди" Янгиликлар

Анхель Ди Мария: "Месси аллақачон энг буюк футболчи эканлигини исботлашга улгурди"

Бугун эътиборингизга Аргентина терма жамоаси ва ПСЖ ярим ҳимоячиси Анхель Ди Мария билан суҳбатни ҳавола этамиз.

• Аргентина терма жамоаси ярим ҳимоячиси Анхель Ди Мария Қатардаги ЖЧ-2022ни иҳчам ўтказиш фикрини қўллаб-қувватламокда.

• Футболчи 1995 йил айнан Қатарда ўтган 20 ёшгача бўлган футболчилар ўртасидаги Жаҳон чемпионатида Аргентина ёшлари қўлга киритган ғалабани жамоадошлари билан бирга такрорлашга умид қилмоқда.

• ПСЖ юлдузи Лионель Мессининг ўйинидан ҳайратга тушмоқда


Аргентина терма жамоаси юлдузи Анхель Ди Мария ФИФА ЖЧ-2022 нафақат Қатар, балки бутун араб дунёси ривожланишига катта таъсир кўрсатади деб ҳисобламоқда.

Қатарда ПСЖнинг қишки ўқув-машғулот йиғинлари бўлиб ўтган пайти Анхель Ди Мария www.sc.qa порталига берган интервьюсида ишонч билан турнир минтақа учун фойдали эканини таъкидлаб ўтди.

“Бу жуда муҳим Жаҳон чемпионати бўлади, — дейди Ди Мария. — Стадионлар ҳам жуда ажойиб. Бу турнир араб дунёсининг ривожига катта ҳисса қўшишига ишонаман. Доҳага борганимда, жамоани ҳам, мени ҳам жуда яхши кутиб олишган”.

Миллий терма жамоа учун 92 ўйинда майдонга тушиб улгурган Ди Мария, агар мундиал Қатарда бўлиб ўтса, мухлислар бир куннинг ўзида бир неча ўйинни кўришлари мумкинлигини ҳам таъкидлаб ўтди.

“Мен катта мамлакатларда бўлиб ўтган Жаҳон чемпионатларида ўйнаганман. Аммо, бунинг ўзига яраша баъзи ноқулай тарафлари бор. Масалан, жамоа бир шаҳарда бўлиб ўтган баҳсдан сўнг, узоқ вақт давомида иккинчи учрашув учун бошқа шаҳарга бориши керак бўлган. Бу эса осон эмас. Иҳчам турнир — бу жуда муҳим, ўйинчилар бунда ўзини жуда эркин ҳис қилишлари мумкин", — дейди Анхель Ди Мария.


Месси учун совға

Аргентина Қатарда бир маротаба муваффақиятга эришган: 1995 йил, ёшлар терма жамоаси мундиалда зафар қучган эди. “Биз 1995 йилдагидек яна яхши натижа кўрсата оламиз, — дейди у. — Биз буни ўз олдимизга мақсад қилиб қўйдик. Агар Россиядаги турнирда ғолиб бўлсак, умид қиламанки, демак Қатарда ҳам муваффақият қозона оламиз”.

Аргентиналиклар бу йил ёзда 1986 йилдан бери илк бор, чинакамига, Жаҳон футболидаги энг нуфузли совринни қўлга киритишларига 29 ёшли Ди Мария ишонмоқда. Бразилияда бўлиб ўтган турнирда эса уларни ғалабага бир қадам қолганда тўхтатиб қолишган эди.

“Аргентина — доим фаворитлар қаторида бўлган. Чунки, биринчи навбатда, бизда Лионель Месси бор. Масалан, Испания, Франция жамоалари ҳам ўзларини энг юқори даражада намоён эта оладилар. Лекин Аргентина барибир энг яхшиларидан бири!

Ҳозирги ҳолатни сақлаб қолиш учун ўз устимизда тинимсиз равишда ишлашимиз керак. Жаҳон Чемпионатининг финал қисми саралаш бошқичларидан тубдан фарқ қилади. Мағлуб бўлдингми — демак уйга қайтишинга тўғри келади!”

Аммо, Месси билан бир жамоада бўлиш, энг юқори чўққига чиқа олишга ўзингизни ишонтира олиш демакдир. Ишонтира олдингизми, унда бунинг уддасидан ҳам чиқдим деяверинг.

“Месси энг буюк футболчи эканини намоён қилишга улгурган, дейди “Реал” ва “Манчестер Юнайтед” клублари собиқ футболчиси. Мундиалда ғолиб чиқсак, бу нарса гапимга яна бир исбот бўла олади. Аммо, бусиз ҳам у энг яхши ўйинчи. Месси Жаҳон Кубогида зафар қучишни ҳам уддалайди деган умиддаман.
Месси фаолияти давомида деярли барчасига эришиб бўлди. Унга фақатгина Жаҳон тожи керак ҳолос.

Албатта, аргентиналик ва унинг ҳамкасби сифатида у Россияда ғолиб бўлишини жуда ҳам хоҳлайман".


Нозима Зарипова таржима қилди

Рейтинг: +21   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг