UZ

Сўнгги янгиликлар

23:55"Ювентус" спорт директори Гвардиола ҳақидаги саволга жавоб берди  2 23:30А Серия. Мавсумнинг сўнгги баҳслари бошланди (онлайн натижа)  12 23:17U-20 ЖЧ. Кейинги босқичга чиққан илк термаларнинг номи маълум бўлди  2 23:00А Серия. "Ювентус" мавсумни мағлубият билан якунлади  3 22:50"Бавария" раҳбари Ковачнинг келажагига аниқлик киритди  2 22:40"Насаф" билан ўйин пайтида шифохонага олиб кетилган Муҳаммадиевнинг оёғи синди  25 22:35«Барселона» навбатдан ташқари йиғилиш ўтказади  15 22:29Темурхўжа Абдухолиқов: "Футболчилар Фёдоров учун ўйнашди, биз мураббий истеъфога чиқарилишини истамаймиз"  22 22:15МЮ афсоналари «Бавария»ни тор-мор этди  15 22:10Рўзиқул Бердиев: "Вазиятга реал қараймиз, биз айни пайтда кучли учликка киришга қодир эмасмиз"  39 22:02Андрей Фёдоров: "Локомотив" атрофидаги гап-сўзлар бизга умуман таъсир кўрсатгани йўқ"  15 21:39Миржалол Қосимов: "Раҳбариятдан истеъфо сўрайман"  57 21:37Шота Арвеладзе: "Сидиқов 6 ойга сафдан чиқди"  19 21:30Папастатопулос: "Мхитарян учун ҳам Европа лигасини ютишимиз керак"  2 21:05Де Хеа "Манчестер Юнайтед" билан шартномани узайтирмоқчи эмас. Нега?  12

Анвар Ражабов ҳозир қаерда? Янгиликлар

Анвар Ражабов ҳозир қаерда?

Теглар :  Анвар Ражабов
Сўнгги йилларда бухоролик ҳужумчи Анвар Ражабовнинг фаолиятида кескин пасайиш юз берди.

Ўз вақтида тўпурарлик маҳоратини намойиш этиб, мухлисларнинг эътиборини тортган маҳоратли ҳужумчини ўтган мавсум ҳеч бир жамоа сафида кўрмадик. Айни дамда ҳам Анвар бирор-бир клуб таркибида кўриниш бераётгани йўқ. Хўш, бунга нима сабаб? Шу ва бошқа саволларга жавоб олиш мақсадида Ражабов билан суҳбатлашдик.

- Анвар, сўнгги йилларда сизни ҳеч бир жамоа сафида кўрмаяпмиз. Буни қандай изоҳлайсиз?
- Ростини айтсам, жарохатлар мени қийнаб қўйди. Ўтган йили майдон ташқарисида юрдим. Сабаби қишки ўқув-йиғин машғулотларида кутилмаганда жарохатга йўлиқиб, сафдан чиққандим. Сўнгра малакали шифокорлар кўригида бўлиб, якунда оёғимни операция қилдиришга мажбур бўлдим.

- Операция жараёни кўнгилдагидек ўтдими?
- Аввалига Тошкентдаги малакали шифокорлар ёрдамида операция қилдирдим. Сўнгра Россияга бориб, Москва шаҳрида яна бир бор операция столига ётишга мажбур бўлдим. Худога шукур ҳозир аҳволим анча яхши.

- Айни ўйнайдиган ёшда бўла туриб, мажбурий равишда майдон ташқарисида юриш сизга руҳан ўз таъсирини ўтказаётган бўлса керак?
- Эх, нимасини айтасиз. Кеча футбол ўйнаб юрган киши бугун ўйиндан ташқари холатда қолиб кетса жуда аламли бўларкан. Ҳеч бир футболчи жарохатга йўлиқишдан кафолатланмаган. Пешонамда шу бор эканки, бўлди. Тақдирдан қочиб кутилиб бўлмайди, ахир.

- Сизни энди яна қачон яшил майдонда кўришимиз мумкин?
- Насиб қилса феврал ойидан тикланиш машғулотларини олиб бораман. Аста-секин югуриб, аввалги спорт формамни тиклаб боришга харакат қиламан. Футбол ўйнашни жуда соғинганман ва иштиёқим баланд. Насиб қилса ҳаммаси мен учун кўнгилдагидек кечади.

- Ҳозирда супер лига клублари селекция ишларини олиб бормоқда ва ҳар бир жамоа деярли ўз таркибини шакллантириб олишга улгурди. Жарохатдан тўлиқ фориғ бўлганингиздан сўнг жамоа топиш ҳам осон бўлмаслиги турган гап. Фикримизга қўшиласизми?
- Албатта, бугунги кунда ҳар бир жамоага тайёр ўйинчи керак. Жарохатдан чиққан футболчини таклиф этиши қийин масала бўлади. Лекин умид қиламанки, иккинчи даврадан ўз жамоамни топиб оламан ва аввалгидек ўйнаб кетишимга ишонаман.

- Собиқ жамоангиз “Бухоро” клубида юз бераётган ўзгаришларни кузатиб бораётган бўлсангиз керак?
- Ҳа. Ўзим Бухоро фарзандиман. Бу жамоада озми-кўпми ўйнаб, футболчи сифатида ўсдим. Шундай экан жамоанинг фаолиятига бефарқ эмасман. Таркибда бўлаётган ўзгаришларни кузатиб бормоқдаман. Жамоада ўйнаб келаётган дўстларим билан кун-ора гаплашиб турамиз. Бу йил “Бухоро” ўз таркибини янада кучайтириб олишга эришди. Албатта бундай жангавор таркиб билан чемпионатда совринли ўринлар учун бемалол курашиш мумкин. Ўйлайманки бу йил шундай ҳам бўлади ва чемпионатимизнинг етакчи клублари бўлмиш, “Локомотив” ва “Пахтакор” сингари жамоалари билан бемалол рақобат қила олади.

- Бош мураббий билан гаплашиб турасизми?    
- Улуғбек Бақоев билан муносабатим ёмон эмас. Бу мураббий ўтган йили мураббийликдаги дебют мавсумини ўтказди. Ҳамма кўрди – яхши натижа қайд этди. Бақоев ва “Бухоро”нинг келгуси фаолиятига омад тилайман.


Исломбек Рустамбеков.

Рейтинг: +26   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг