Анвар Бердиев: "Футболда озгина имконият бўлса ҳам фойдаланамиз"
25 окт 2023 18:58
Янгиликлар

Анвар Бердиев: "Футболда озгина имконият бўлса ҳам фойдаланамиз"

Про лиганинг сўнгги туридан ўрин олган "Шўртан" – "Динамо" (2:1) учрашувидан сўнг мезбонлар устози Анвар Бердиев фикрларини билдириб ўтди.

"Ажойиб ўйин гувоҳига айландик. Футболчиларга, бизни қўллаб-қувватлаган раҳбарларимизга, мухлисларга миннатдорчилик билдираман. Олдимиздаги вазифани бажардик ва ғалаба қозондик.

Зафар Полвонов – ажойиб футболчи. Футболчилик фаолияти ажойиб ўтди. Бугунги ўйин учун унга раҳмат айтаман. Бу ҳар бир футболчининг бошида бор нарса. Зафарга мураббийлик фаолиятида омад тилайман", – деди Бердиев.

- "Шўртан" олдига қўйилган вазифани қай даражада бажарди?

- Йил бошида жамоанинг бош мураббийи Алексей Евстафеев эди. Клуб раҳбарлари 4-ўридан пастга тушмасликни вазифа қилиб қўйганди. Бу билан тўхтаб қолмоқчи эмасмиз. Футболда озгина имконият бўлса ҳам фойдаланамиз, охиригача курашамиз.

Ҳавола :

Манба : Championat.asia

Янгиликларни Телеграмда ўқинг!

Рейтинг: +3