UZ

Сўнгги янгиликлар

01:59Англия Лига Кубоги. "Манчестер Сити" турнирни тарк этди, "Челси"дан узоқ кутилган ғалаба ва бошқа натижалар  4 01:40А Серия. "Интер" кутилмаганда мағлуб бўлди, "Лацио" ва "Наполи"да ғалаба  5 01:05Пиоли: "Милан" ўйинни назорат қилди"  0 00:33"Милан" 70 минг ўринлик стадион қуришини маълум қилди  0 00:11Расман: Гаттузо Франция клубида иш бошлади  2 23:55ЛаЛига. "Реал" ўз майдонида "Лас-Пальмас"ни ишончли ҳисобда мағлуб қилди  2 23:25А Серия. "Кальяри" ўз майдонида "Милан"га мағлуб бўлди, Шомуродов захирадан майдонга тушди  9 23:12Англия Лига Кубоги. "Манчестер Сити", "Челси", "Арсенал", "Ливерпуль" ва бошқа жамоаларнинг асосий таркиблари маълум!  1 23:05Расман: Жалолиддин Машарипов Греция жамоасига ўтди  19 22:53А Серия. "Интер", "Наполи" ва бошқа жамоаларнинг асосий таркиблари маълум!  1 22:39Веско Стешевич: "Биринчи голдан сўнг рақибда ҳам бир нечта имкониятлар бўлди"  6 22:34Нефтчи 8 йилдан сўнг "Бухоро"ни енгди  5 22:18Александр Хомяков: "Металлург"ни ҳаққоний ғалаба билан табриклайман"  4 22:07Виталий Левченко: "Йигитларнинг тонусдан чиқиб қолгани сезилди"  24 21:41Улуғбек Бақоев: "Бизнинг даражамиз шундай"  9

Анвар Бердиев: “Биз ҳар бир рақибга қарши астойдил тайёргарлик кўрамиз” Янгиликлар

Анвар Бердиев: “Биз ҳар бир рақибга қарши астойдил тайёргарлик кўрамиз”

Про лига 16-турининг қолдирилган беллашувида “Турон” ўз майдонида “Янгиер-Қурувчи” (2:0) жамоасидан устун келди.

Учрашувдан кейинги матбуот анжуманида мезбонлар бош мураббийи Анвар Бердиев иштирок этди. 

Ўйин ҳақида

- Жуда қийин ўйин бўлди. Аввал таъкидлаганимдек, Про лигада ўткинчи ўйинлар қолмаган. Ўз мухлисларимиз қаршисида қийин ва муҳим бўлган ғалабани қўлга киритдик. 

- “Янгиер” дарвозасини ишғол қилган Сергей Морозов аввалги баҳсда захирада қолдирилганди. Бунга нима сабаб бўлганди?

- Таркибдаги барча футболчилар мен учун бирдек. “Машъал”нинг имкониятларини билганим сабабли, Морозовни захирада қолдиргандим. “Янгиер” билан беллашувда у асосий таркибда майдонга тушди ва ажойиб ўйин кўрсатди. Бир сўз билан айтганда Морозов жамоага керакли футболчи ҳисобланади. Шахсан мен унинг ҳаракатларидан қониқиш ҳосил қилмоқдаман.

- Охирги ўйинларда Абдурашидов ва Абдураимов ўйинида пасайиш кузатилаётгандек. Ёки уларда жароҳат борми?

- Биласизми, Абдураимовга келсак, жароҳатдан энди тузалиб сафга қайтди. “Машъал” билан беллашувда ҳам жароҳати билан охиригача ўйнади. “Янгиер”га қарши учрашувда ҳам оғриқни ҳис қилган ҳолда ҳаракат қилди. Мен Абдурашидов ва Абдураимовнинг ҳаракатларидан қониқдим. 

- Жамоа навбатдаги учрашувга қадар 3 кун бор. Бу вақт давомида жамоангизни тикланиши учун етарли вақтми?

- Ҳа, албатта, 10 сентбрь куни ўйнаймиз. Мураббийлар штаби билан ортда қолган баҳсни таҳлил қилиб, тайёргарлик кўрамиз. 

- Жамоа “Андижон” билан уч маротаба ўйнади ва ҳаммасида мағлуб бўлди. Кейинги босқичда ҳам ушбу жамоага қарши тўп тепади. Балки шу ўйинларда “Турон” рақибини мағлубиятга учрата оладими?

- Биласизми, ҳар бир ўйин тарих дейиш мумкин. Чиндан ҳам “Андижон”га қарши ўтказилган беллашувларда ютқаздик. Олдинда яна икки бор тўқнаш келамиз ва уларда муваффақият қозонишга уринамиз. Биз кимга қарши ўйнашимиздан қатъий назар, астойдил тайёргарлик кўрамиз. У хоҳ “Андижон” бўлсин, хоҳ бошқаси. Рақибларни ҳурмат қилган ҳолда тайёрланамиз.

- Ижтимоий тармоқларда “Локомотив” футболчиси Кахи Махарадзе келишилган ўйинларда аралашиб қолгани айтилмоқда. Бунга муносабатингиз қандай?

- Тўғриси, бу нарса футболчининг виджонига боғлиқ. Бу ҳалол пул топиш эмас. Мен буни қоралайман ва уни ҳазм қила олмайман. Айтайлик, шуни ортидан яхши пул топди, лекин бошқа томондан у янада катта бўлиб чиқиб кетади. Бу менинг шахсий фикрим. Бу нарсалар уларнинг ўзлари жавоб беришсин. “Локомотив” раҳбарияти буни шундай қолдирмайди деб ўйлайман.

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика