Angliya terma jamoasi saralash bosqichi doirasida kuni-kecha safarda Latviyani 5:0 hisobida taslim etdi va mundial yo'llanmasini rasman qo'lga kiritdi.
Ushbu bahsda Entoni Gordon (26-daqiqa), Xarri Keyn (44, 45+4 penaltidan), 58-daqiqada Maksim Tonishevdan avtogol va Eberechi Eze (86) gollarga mualliflik qilishdi.
Angliya terma jamoasi jahon chempionatida 17-marta ishtirok etishadi, bu borada rekord Braziliya terma jamoasiga tegishli. Pentakampeonlar 23-bor mundialda ishtirok etishadi.
Qatarda o'tgan avvalgi jahon chempionatida jamoa chorak finalgacha yetib borgan va Fransiyaga imkoniyatni boy bergandi (1:2). Angliyaning jahon chempionatlari tarixidagi eng yaxshi natijasi 1966 yilda o'z uyidagi g'oliblik hisoblanadi.
