"Andijon" klubi murabbiylar shtabida yangi murabbiy ish boshladi.
Murabbiylar shtabiga jamoaning sobiq futbolchisi, andijonlik Anvar Abduqodirov kelib qo'shildi. Abduqodirov futbolchilik faoliyatini 1999 yilda "Andijon"da boshlagan va 2003 yilga qadar to'p tepgan. U 2004 yildan 2007 yilgacha Farg'onaning "Neftchi" jamoasi sharafini himoya qilgan. So'ngra 3 yil mobaynida "Mashal", "Qizilqum" va "Sho'rtan" jamoalarida o'ynagan. 2011/2012 yilgi mavsumda "Xorazm"da, 2013 yilda "Guliston"da to'p tepib, futbolchilik faoliyatiga yakun yasagan.
