UZ

Сўнгги янгиликлар

09:43Лингард жисмоний ҳолатини ушлаб туриш учун Саудия жамоасида шуғулланиб туради  0 09:21"Ньюкасл" етакчиси янги шартномага рози бўлди. Унинг товон пули 100 миллион фунт бўлади  0 08:59“Барселона”га аламли тарзда мағлуб бўлган Рафаэль Бенитес матбуот анжуманида нималар деди?  1 08:37Хави ажойиб ғалабадан сўнг ўз фикрларини билдириб ўтди  1 08:25Бундеслига. "Бавария" - "Бохум" 7:0  0 08:20ЛаЛига. "Барселона" - "Сельта" 3:2  0 08:15АПЛ. "Бернли" - "Манчестер Юнайтед" 0:1  1 08:14Турни безаб берган дербидан ўзгача ГАЛЕРЕЯ  0 08:10АПЛ. "Манчестер Сити" - "Ноттингем" 2:0  0 08:05Серия А. "Сассуоло" - "Ювентус" 4:2  0 08:00Серия А. "Милан" - "Верона" 1:0  0 07:51Про лига. Бугун “Динамо” “Хоразм”ни меҳмон қилади  0 07:28Cоcа Cоlа Суперлигаси. Бугун иккита қизиқарли учрашув бор  12 07:00Olamsport: Ўзбекистон Осиё ўйинларидаги илк медалини қўлга киритди, бизда Париж Олимпиадаси учун яна бир лицензия ва бошқа хабарлар  0 06:52Осиё ўйинлари: Ўзбекистонлик спортчиларнинг иштирокидан ОНЛАЙН  3

Аҳмаджон Мусаев: «Биз ҳар доим ғалаба учун тўп сурамиз» Янгиликлар

Аҳмаджон Мусаев: «Биз ҳар доим ғалаба учун тўп сурамиз»

Ўзбекистон U-20 ёшлар терма жамоаси бош мураббийи Аҳмаджон Мусаев Хорватияга қарши ўйинда унинг шогирдларига бироз омад кулиб боқмаганини қайд этиб ўтди.
«Яхши ўйин гувоҳига айландик. Бугунги ўйини учун Хорватияга миннатдорчилик билдиришни истардим. Биз ғалаба қозонишни, кейинги босқич масаласини ҳал қилишни мақсад қилгандик, бироқ бугун бироз омад кулиб боқмади», - деди Ўзбекистон ёшлар терма жамоаси бош мураббийи.

Ўзбекистон ёшлар терма жамоаси Хорватияга қарши ўйинда биринчи бўлиб ҳисобни очишди. Ўйин давомида ҳисобни ошириш учун қатор имкониятларга эга бўлишди, бироқ охир-оқибат ягона хато сабаб ўтказиб юборилган биргина гол Аҳмаджон Мусаев шогирдларини кейинги босқич йўлланмасини тақдим этиши мумкин бўлган уч очкодан маҳрум қилди. Шунга қарамай, 1:1 ҳисобидаги дуранг ҳар иккала жамоанинг гуруҳдаги ўз мавқеларини сақлаб қолиш имконини беради.

«Ҳа, шогирдларимнинг Хорватияга қарши учрашувдаги ҳаракатларидан қониқиш ҳосил қилдим. Жамшид Искандеровнинг алмаштирилиши ҳақида тўхталадиган бўлсам, биз гол уришни мақсад қилгандик, шунинг учун ҳам ушбу футболчини алмаштиришга қарор қилдик», - деди Аҳмаджон Мусаев.

Гуруҳ босқичи 3-турида Ўзбекистон ёшлар терма жамоасини яна бир осон бўлмаган баҳс кутиб турибди. 29 июнь, шанба куни Анталиядаги Акдениз университети стадионида ўтказиладиган баҳсда ҳар иккала жамоа ҳам ғалаба учун майдонга тушиши шубҳасиз. Хусусан, 2-турда Янги Зеландияни мағлубиятга учратган жанубий америкаликлар сўнгги турда кейинги босқич йўлланмасини ҳал этиш учун бор кучлари билан ҳаракат қилишлари турган гап. Аммо, Аҳмаджон Мусаевнинг алоҳида таъкидлашича, Ўзбекистонни ҳам ғалабадан бошқаси қониқтирмайди.

«Биз ҳар доим, қандай вазият бўлишидан қатъий назар, фақат ва фақат ғалаба учун тўп сурамиз. Таркиб билан боғлиқ қандайдир тажриба амалга ошириладиган бўлса, буни Уругвайга қарши ўйинда албатта кўриб, билиб оласиз. Бизнинг бош мақсадимиз – ёлғиз Уругвайнигина мағлуб этиш эмас, балки плей-оффдаги биринчи ўйинда ҳам ғалаба қозонишдир», - дея қўшимча қилди Ўзбекистон ёшлар терма жамоаси бош мураббийи Аҳмаджон Мусаев.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика