Афсонавий Давидс фаолиятини тугатди

Бугунги кунда голландиялик футболчи Англиянинг бешинчи дивизиони вакили "Барнет" жамоасида ўйновчи мураббий ролида фаолият олиб бораётган эди. "Sky Sports"ни хабар қилишича, унинг бундай қарорга келишига чемпионатдаги ҳакамларнинг адолатсизликлари сабаб бўлган. Ярим мавсумни ўзидаёқ уч маротаба ҳакамлар томонидан қизил карточка олган Давидс "Барнет"да мураббийлик фаолиятини давом эттирадими ёки йўқ, буни ҳали маълум қилмаган.

Айтиш жоизки, "Барнет" Англия футболи тарихида ўз ўрнига эга жамоа. Бу клуб 1888 йилда Лондонда тузилган.

Бугунги ёшлар Давидс ҳақида тўлиқ маълумотга эга эмаслар. Шунинг учун унинг фаолияти ҳақида қисқача ахборотни берамиз.

Давидс 1973 йилнинг 13 мартида Суринамнинг Парамарибо шаҳрида туғилган. 1991/96 йиллар давомида "Аякс" шарафини ҳимоя қилиб чемпионлар лигасида ғалаба қозонган. "Аякс"нинг олтин даврида тўп тепган ярим ҳимоячи ўз кўз ойнаги билан "Милан" (1996/1998), "Ювентус" (1998/04), "Барселона" (2004), "Интер" (2004/06), "Тоттенхэм" (2005/07), "Аякс" (2007/08), "Кристал Пэлас" (2012) ва "Барнет" (2012/13) жамоаларида фаолият юритган.

Икки карра Европа чемпионатининг бронза медаллари эгаси. Уч карра Италия чемпиони. ФИФАнинг жаҳоннинг энг кучли 100 нафар футболчилари рўйҳатидан ўрин олган.