Afrika Futbol Konfederatsiyasi Afrikaning 2023 yildagi eng yaxshi futbolchisi bo'lish uchun nomzodlar ro'yxatini e'lon qildi.
Bu ro'yxatga Riyod Marez (“Manchester Siti”/"Al Ahli", Jazoir), Andre-Frank Zambo-Angissa ("Napoli", Kamerun), Vensan Abubakar ("Beshiktosh", Kamerun), Muhammad Saloh ("Liverpul", Misr), Ashraf Hakimi (PSJ, Marokash), Sofyan Amrabat ("Fiorentina"/"Manchester Yunayted", Marokash), Yassin Bunu ("Sevilya"/"Al Hilol", Marokash), Yussef En-Nesiri ("Sevilya", Marokash), Viktor Osimxen ("Napoli", Nigeriya), Sadio Mane ("Bavariya"/"Al Nassr", Senegal) kiritilgan.
Taqdirlash marosimi 11 dekabr kuni Marokashning Marrakesh shahrida Kongresslar saroyida bo'lib o'tadi.
O'tgan yili shu paytda "Bavariya"da o'ynagan Sadio Mane Afrikaning eng yaxshi futbolchisi sifatida tan olingan edi.
