UZ

Сўнгги янгиликлар

04:06"Championat.asia"да "Гол завқи" : Криштиану Роналду ижросида (1-сон)  9 03:31"Абрамов армияси", камгап Муҳитдинов ва сақич чайнаш тақиқланган Сингапур. Сафардаги дастлабки кунимиз ҳақида  14 02:02Даврон Файзиев: "Сингапурни аутсайдерлар қаторига қўшишингиз мумкин, аммо..."  18 01:55Шевченко шогирдлари ҳам Евро-2020 йўлланмасини қўлга киритишди  12 01:40Евро-2020 саралаш. Украина бир киши кам бўла туриб, Португалияни мағлуб эта олди  38 01:35Евро-2020 саралаш. Англия сафарда Болгарияни тор-мор этди, Франция – Туркия баҳсида ғолиб аниқланмади ва бошқа натижалар   5 01:20Роналду фаолиятидаги юбилей голини урди  17 00:45Болгария – Англия баҳси Стерлингга нисбатан ирқчилик муносабати билдирилгани учун тўхтатилди  7 00:15Расман: Эркин агент сифатида "Тоттенхэм"ни тарк этган посбон яна жамоага қайтди  4 00:05Спортчилар ижтимоий тармоқларда  3 23:30МЮ АПЛнинг бошқа клубларига қараганда кўпроқ маош тўлайди  4 23:00Евро-2020 саралаш. Украина – Португалия, Франция – Туркия ҳамда бошқа учрашувларнинг асосий таркиблари эълон қилинди   5 22:45РПЛ жорий мавсумида дарвозага энг кўп зарба берган футболчилар маълум қилинди  10 22:25Шевченко Португалияга қарши баҳс олдидан: "Бу шахматча ўйин бўлади"  6 22:12Санкт-Петербургда яшайдиган ҳамюртларимиз диққатига!  14

А Серия. "Интер" Флоренциядан очко билан қайтадими ва бошқа ўйинлар превьюси Янгиликлар

А Серия. "Интер" Флоренциядан очко билан қайтадими ва бошқа ўйинлар превьюси

Италия Чемпионати 25-тур учрашувларига оид маълумотларни эътиборингизга тақдим этамиз.

“Болонья” — “Ювентус”

"Болонья" ўтган тур "Рома"га қарши баҳсда 1:2 ҳисобда мағлуб бўлганидан хабардорсиз. Лекин дуранг ўйнаши мумкин эди. Синиша Михайлович клубга келганидан кейин жамоанинг ўйин услуби яхши томонга ўзгарди, у ҳар ўйинда гол уришга муваффақ бўлмоқда. Сербиялик - бош мураббий бўлганидан сўнг, "Болонья" 4 очко йиғди. Аввалгига нисбатан, "россоблу" ҳужумда анча ишончли ўйин кўрсатмоқда. У деярли барча рақибларига хавфли вазиятлар яратиб бера олмоқда.

"Ювентус" ўйинчиларининг кайфияти яхши эмас. Сабаби Макс Аллегри шогирдлари Чемпионлар Лигаси доирасидаги муҳим ўйинда ғалаба қозонолмади — Мадриднинг "Атлетико"сига 0:2 ҳисобда мағлуб бўлди. Тўғри, "кекса сеньора"нинг ички чемпионатида ҳеч қандай муаммо йўқ. Қолган жамоалар Скудетто учун давогарлик учун яна камида 13 очко тўплашлари керак. Туринликлар "Фрозиноне"ни (3:0) мағлуб этиб, А Сериянинг энг самарали жамоаси мақомини яна қайтариб олдилар. "Ювентус" сафардаги ўйинларда мағлуб бўлмади: 10 ғалаба ва 1 дуранг.

Болоньяликлар қандай аҳволда бўлишмасин, меҳмонлар рақиб жамоа стадионига Италиянинг энг яхши клуби сифатида ташриф буюрадилар. "Ювентус" бу мавсум "россоблу" устидан икки маротаба ғалаба қозонди: Италия Кубоги ва биринчи давра учрашувида.

“Кьево” — “Женоа”

Верона клуби бу мавсум элитадан чиқиб кетиши мумкин. "Кьево" сўнгги ўйинда кичик ҳисоб билан "Удинезе"га енгилган бўлса-да, "Рома"га йирик ҳисоб (0:3) билан мағлуб бўлганидан хабарингиз бор. Жамоа ҳозир 9 очкога эга, уни қутқариб қолиши мумкин бўлган 17-ўрин учун яна 12 очко тўплаши зарур. Буни иложи бормикан?!

"Женоа" ўтган тур "Лацио"ни мағлуб этди (2:1). Улар яхши ўйин кўрсатиб, охирги дақиқаларда ҳал қилувчи голни дарвоза томон йўлладилар. Лекин ушбу мавсумда "грифонлар"га барқарорлик етишмаяпти: ҳар сафар турлича ўйнамоқдалар. Кшиштоф Пёнтек кетганидан сўнг, жамоага Антонио Санабрия келди. Ёш ҳужумчи охирги 4 учрашувда 3та гол уришга муваффақ бўлди. Агар иккинчи давра учрашувлари бошидан "Кьево" ҳеч бўлмаса битта гол ура олганида, баъзи муаммолар ўз якунига етган бўлармиди?! "Грифонлар"да ҳам муаммо йўқ эмас: улар сафардаги баҳсларда бироз омадсиз ўйин олиб борадилар (сўнгги 11 ўйинда — 2та ғалаба ва 1та дуранг).

“Парма” — “Наполи”

"Парма" ўтган тур “Сардиния”да жуда таъсирли ўйин кўрсатди, лекин "Кальяри"нинг қўли баланд келди. Паволетти рақиб дарвозасини икки маротаба ишғол қилди. "Крестоносцлар" 4 учрашувдан бери ғолиб бўла олмади. Уларнинг самарали ўйини деб фақатгина Туринда "Ювентус"га қарши баҳсни (3:3) айтиш мумкин. Улар охирги маротаба ғалаба қозонганларига ҳам бир ойдан ошди.

"Наполи" эса Европа Лигаси доирасидаги "Цюрих"га қарши ўйинда (2:0) ишончли тарзда ғалаба қозонди ва кейинги босқичга йўл олди. Жамоа у ерда "РБ Зальцбург" билан беллашади. "Наполи"нинг ҳам ўзига яраша ҳужумда жиддий муаммолари бор. Бу охирги “Торино” билан ўйинда яққол намоён бўлди: бир неча бор имкониятдан фойдалана олмади. “Наполи” ички чемпионатнинг сўнгги 5 учрашувида 3 марта 0:0 дуранг ўйнади. Неаполликлар сафарда сўнгги уч ўйинда ғолиб бўла олмаганлар.

"Наполи" охирги 5 ўйиннинг 3тасида умуман гол уролмади. Бу ҳақиқатдан ҳам ғалати. Агар "Парма" ҳақида гапирадиган бўлсак, улар меҳмонда яхшироқ ўйнайдилар. "Пармезанлар" уйдаги кетма-кет 5 ўйинда ғалаба қозона олмади: сўнгги 3 учрашув мағлубият билан якунланди.

“Фиорентина” — “Интер”

Флоренция жамоаси ўтган тур СПАЛ устидан йирик ҳисобда ғалаба қозонди (4:1). Флоренцияликлар дарвозаси томон йўлланган ва ҳисобга олинмаган голдан сўнг, "Фиорентина" уйғонди ҳамда ҳужумга ўтди. "Фиалкалар" Европа Кубогига яқинлашиб келмоқдалар. Жамоа ўтган тур 8-поғонага чиқиб олганди.

Миланнинг "Интер" клуби Европа Лигаси доирасида Австриянинг "Рапид" жамоасини мағлуб этди (4:0). Миланликлар турнирнинг кейинги босқичига чиқиб, Франкфуртнинг "Айнтрахт"ига қарши тўп тепади. Ички чемпионатдаги ишлар кўнгилдагидек кетмоқда. Бироқ “Интер” сўнгги учрашувда "Сампдория" устидан қийинчилик билан ғалаба қозонди (2:1). Агар жамоанинг собиқ сардори Мауро Икарди кетма-кет учинчи марта майдонга тушмаслигини ҳисобга олмасак, асосий таркиб билан боғлиқ бошқа муаммо йўқ. У қачон майдонга тушиши ҳали аниқ эмас.

Ҳар икки жамоа ҳам Еврокубокда иштирок этиш учун давогарлик қилмоқда. Ҳеч бири очкони бериб қўйиш ниятида эмас. Рақиблар охирги дақиқагача ғалаба учун “жон бериб” курашиши аниқ. "Интер" сўнгги 5 ўйинда 1 марта ғалаба қозонди, “фиалкалар” ҳисобида эса 3 ғалаба ва 1та дуранг бор.

Шунингдек, бугун “Сампдория” — “Кальяри” ва “Сассуоло” — СПАЛ учрашувларини томоша қилишингиз мумкин.


Нозима Зарипова таржимаси

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг