"8+3". Ўзбекистон терма жамоасини ҳеч қачон кучли мураббий бошқармаган (12-сон)

Бу гал журналист, ПФЛ мусобақаларни ўтказиш бўлимида фаолият юритаётган Шерзод Ражабов билан суҳбатлашдик. Унга футболга оид 8, футболдан ташқари 3та савол билан мурожаат қилдик.

- Сиз ўйинларини бевосита кузатган энг кучли футболчи ким?

- Мен кузатганларим ичида энг кучлиси Лионель Месси. 

- Сиз кўрган энг чиройли гол қайси?

- Чиройли голлар талайгина. Улардан биттасини танлаш қийин. Роберто Карлоснинг Францияга жаримадан урган голи. Златан Иброҳимовичнинг Англия дарвозасига киритган тўпи. Мауро Брессаннинг "Фиорентина" - "Барселона" ўйинида киритган голи. 

- Футбол оламида бошқалардан мутлақ ажралиб турадиган шахс ким?

- Златан Иброҳимович. Уни бошқалардан мутлақ ажралиб туришини футболга қизиққан барча билса керак.

- Ўзбекистон терма жамоасини бошқарган энг кучли мураббий ким?

- Менимча, Ўзбекистон терма жамоасини шу пайтгача кучли мураббий бошқармаган. 

- Нечанчи йиллардаги терма жамоамиз барча даврларнинг энг кучлиси эди?

- 2011-2016 йиллардагиси кучлироқ эди.

- Сизнингча, бугун ўзбек футболининг қайси жиҳатлари танқидга лойиқ?

- Ўзбекистон клубларида иш юритаётган мураббийларнинг малакаси ва савияси танқидга лойиқ. 

- Аёллар ва футбол. Бунга қандай қарайсиз?

- Агар футболга қизиқишса, ўйнайверишсин. Футбол ҳам бошқа жамоавий спорт турлари каби, аёллар ўйнаши мумкин бўлган спорт тури.

- Ўзингиз ўйинларини кузатган футболчилар орасидан рамзий жамоа тузиб беринг.

- Буффон, Карлос, Пуйоль, Рамос, Замбротта, Миржалол Қосимов, Роналдиньо, Гути, Зидан, Роналду, Месси.

- Ҳаётдаги кумирингиз ким?

- Отам. Мен ҳавас қилиб, эргашадиган инсонлар аслида кўп. Барчасидан нимадир олишга, нимадир ўзлаштиришга интиламан.

- Ўзингизга ёқмаган тарафингиз қайсилар? Камчиликларингиз...

- Бироз қизиққонлигим. Тезда қизишиб кетаман. Бошқа камчиликларим ўзимга кўринмаса керак, билмадим.

- Ҳаётингизнинг бурилиш нуқтаси сифатида қайси воқеани эслайсиз?

- 2012 йилда ЎФФда иш бошлаганим. 

"8+3". Ривалдонинг Муборакдаги голи, Зафар Холмуродов ва Хиросима-1994... (11-сон)

М. Кушбакова