УЕФА этика ва интизом инспектори "Бенфика"нинг ярим ҳимоячиси Жанлука Престианнининг "Реал"га қарши (0:1) ўйинда ирқчилик қилганини аниқласа, уни 10 ўйинга четлатиши мумкин. Бу ҳақда BBC хабар бермоқда. Аргентиналик футболчини "оқ кийимлилар" ҳужумчиси Винисиус Жуниорга нисбатан ирқчилик фикрларини билдирганликда айблашмоқда.
Ушбу мажбурий жазо 2013 йилда ҳозирги ФИФА президенти Жанни Инфантино УЕФА бош котиби лавозимида ишлаган даврида жорий этилган эди.
Илгари бу жазо 2021 йилда "Славия" ва "Рейнжерс" ўртасидаги Европа Лигаси ўйинидан сўнг қўлланилган эди. Чехия клуби марказий ҳимоячиси Ондрей Кудела рақиби Глен Камарага нисбатан ирқчилик ҳақоратларида айбланиб, айбдор деб топилган эди.
