Златан мисолида... "Манчестер Юнайтед"дан кетиши керак бўлган 8 футболчи

Кеча "Манчестер Юнайтед"ни Златан Ибрагимович тарк этди. Албатта, шундай даражадаги футболчининг жиддий жароҳат олиб, "қизил иблислар"нинг асосий таркибидан тушиб кетгани ачинарли ҳолат. Балким унинг орқасидан "Юнайтед"дан яна бир неча футболчилар кетар...

Виктор Линдельёф

Ёзда "Бенфика" ушбу ҳимоячининг трансферидан 35 млн евро ишлаб олганди, шунингдек, яна 10 "лимон" бонус тариқасида ваъда қилинганди. Линдельёф "Хаддерсфилд"га қарши жуда ёмон ўйин ўтказди ва шу боисдан ўзига билдирилган ишончни йўқотди. Унинг ўрнида энди Крис Смоллинг ўйнамоқда. Виктор "WhoScored" нашри талқинига кўра, "Манчестер Юнайтед"нинг энг ёмон футболчиларидан бири. Агарда у жамоадан кетадиган бўлса, "Юнайтед" ундан фойда кўрмаслиги аниқ.

Крис Смоллинг

2018 йил келган бўлса ҳам Смоллинг"Юнайтед"нинг асосий таркибида ўйнамоқда. Бироқ унинг ўйинлари МЮ мухлисларига ёқмаяпти. Ҳар ҳолда ижтимоий тармоқларда мухлисларнинг фикри шундай бўлмоқда. Смоллинг статистикага кўра, Байидан кўра яхшироқ натижалар қайд этмоқда.

Бироқ бошқа бир савол бор. 28 ёшли футболчи Англия Премьер-лигаси даражасидаги футболчи, Европа чемпионлар лигасида эса ўзини кўрсата олмаяпти. Англия терма жамоаси бош мураббийи Гарет Саутгэйт ҳам Смоллингни кўп бора танқид қилди.

"Крисни термага чақирмаётганлигим сабаби - у биринчи пасларни бера олмаяпти. Шунингдек, ҳимояда ҳам олдингидек ўйнамаяпти".

Дэйли Блинд

Голландиялик футболчи 2014 йилдан буён МЮ футболчиси. Блинд ҳали бирор марта ўйинларда етакчиликни қўлига олгани ёки муҳим футболчи бўлгани кўзга ташланмади. "Юнайтед" мураббийлари уни турли ҳил позицияларда ўйнатиб кўришди. У - универсал футболчи. Бироқ ҳали бирор позицияда муқим ўйнаб кета олмаяпти. Марказий ҳимояда у ҳаводаги курашларда мағлуб бўлмоқда. Ярим ҳимояда эса ўйинни секинлаштирмоқда. Қанотларда эса тезлик паст. У ҳозирда "Юнайтед" учун умуман керак эмас. Унинг шартномаси ушбу мавсум якунига қадар давом этади. Аниқки, томонлар келишувни узайтиришмайди.

Маттео Дармиан

Яна бир универсал футболчи. У ҳам ўнг, ҳам чап қанот ҳимоясида тўп сура олади. Албатта, Эшли Янг ва Антонио Валенсиядан кучли эмас. Дармиан МЮга катта мақсадлар ва мўмайгина маблағ эвазига трансфер қилинган. Икки мавсум давомида унинг ўйинларига катта ишонч берилмади. Ўтган йили эса Моуриньо унинг ўйинларига кўп ҳам эҳтиёж сезмади.

Дармианнинг бошқа жамоага ўтиши вақти келди. Унга "Ювентус" ва "Наполи" томонидан жиддий қизиқишлар бўлмоқда. Бу жамоалар эса италиялик учун жуда мос.

Андер Эррера

Испаниялик футболчи МЮда тўртинчи мавсумини ўтказмоқда. Фақатгина ўтган мавсумда у ўзининг энг яхши жиҳатларини очиб бера олганди. Ҳаттоки ҳимояда ҳам ўйнаб, жамоанинг қўлга киритган очколарида катта ҳисса қўшганди. У Кэррик ва Погба билан ҳужум учлигини ҳам ҳосил қилганди. Бироқ бу мавсумда у рақобатда мағлуб бўлмоқда ва ўйинлардан четда қолмоқда.

Миш-мишларга кўра, у "Атлетик"ка қайтади. У ерда жамоанинг асосий юлдузи бўла олади.

Люк Шоу

Моуриньо бу мавсумда Шоудан Эшли Янгни афзал кўрмоқда. Жамоанинг фахрий футболчиси ёшгина Люкдан анчагина яхши жисмоний ҳолатда. Бироқ Люкни ҳам тўғри тушуниш керак. У оғир жароҳатдан кейин олдинги жисмоний ҳолатини йўқотган. Моуриньо ва Шоу ўртасидаги муносабат ҳам яхши эмас.

Люк 22 ёшда, иқтидорли ҳимоячи, бўйи ва гавдаси аъло даражада. У Жозега яхши футболчи эканлигини исботлагунча вақт ўтиб кетади. Шу боисдан у ўз кучини бошқа жамоада кўрсатгани маъқул, бўлмасам футбол яхшигина иқтидор эгасидан ажралиб қолиши мумкин.

Маруан Феллайни

Феллайнининг ҳолати Смоллингникига ўхшаш. Бир томондан олиб қарасак, Маруаннинг натижалари яхши, аммо жуда кам ўйинларда майдонга тушмоқда. У 30 ёшга кирди, балки "Юнайтед"га катта фойдаси тегмас. Унинг шартномаси шу мавсумда ўз якунига етади. Футболчининг ўзи ҳам келишувни узайтиришни истамаяпти.

Моуриньо бирор марта ҳам Феллайнини муҳим позицияларда ўйнатмаяпти. Жозе уни асосан ҳимояга асосланган тактикаларда ишлатмоқда.

Маруан ҳаводаги курашларда умуман енгилмайди, стандартларда унинг фойдаси жуда катта. Аммо, бу жабҳада унинг жамоага ёрдам тегмаяпти. Балки у "Рома"да асосий таркиб футболчисига айланар...

Антони Марсьяль

Франциялик ярим ҳимоячи "Юнайтед"да яхши мавсумни ўтказмоқда. У бу мавсум АПЛда 9 гол уриб, 5 марта ассистентлик қилди. Бироқ Алексис Санчеснинг трансферидан кейин унинг ўйинга тушиши камайиб кетди. У Маркус Рэшфорд билан алмашиб ўйинларда ўйнаётганди.

Бироқ ҳозирда ҳолат Марсьялнинг фойдасига ишламаяпти. Санчес - жамоада энг кўп маош оладиган футболчи. Демак у майдонга тушиши керак. Агарда шу кетиш бўлса, Марсьяль захирада ўтириб қолади ва жамоанинг ўйинларига таъсир ўтказа олмайди. У бундай иқтидори билан бемалол бошқа жамоаларда ҳам ўйнай олади.

Миржалол Норматов таржимаси